មេ Tesla ចង់យករថយន្តអគ្គិសនីល្បឿនលឿនផុតលេខ Tesla Roadster ទៅលេងភពអង្គារ
- 2017-12-04 11:38:23
- ចំនួនមតិ 0 | ចំនួនចែករំលែក 0
មេ Tesla ចង់យករថយន្តអគ្គិសនីល្បឿនលឿនផុតលេខ Tesla Roadster ទៅលេងភពអង្គារ
ចន្លោះមិនឃើញ
កាលពីពេលថ្មីៗនេះនាយកប្រតិបត្តិរបស់ SpaceX និង Tesla លោក Elon Musk បានបញ្ជាក់ពីផែនការស្រពិចស្រពិលស្តីពីបេសកកម្មបាញ់រ៉ុកក្កែត Falcon Heavy របស់ SpaceX ដែលជាផ្នែកមួយនៃគម្រោងក្នុងការបញ្ជូនមនុស្សទៅកាន់ភពអង្គារ (Mars) ។
យោងតាម Musk ថាខ្លួននឹងបាញ់បង្ហោះគ្រាប់រ៉ុកក្កែត Falcon Heavy លើកដំបូងនៅដើមឆ្នាំ ២០១៨ ហើយទំនិញក្នុងរ៉ុកក្កែតនឹងមាន Tesla Roadser ដែលជារថយន្តអគ្គិសនីល្បឿនលឿនផុតលេខ (ល្បឿនចាប់ពី ០ ទៅ ៩៧ គីឡូម៉ែត្រក្នុងរយៈពេលជិត ២វិនាទី) របស់ Tesla ដែលបានបង្ហាញកាលពីខែមុន ។ មហាសេដ្ឋីបច្ចេកវិទ្យាវ័យ៤៦ឆ្នាំ Musk កំពុងធ្វើឱ្យមហាជនជាពិសេសសារព័ត៌មានមួយចំនួនភ្ញាក់ផ្អើលនឹងគម្រោងដ៏ប្លែកក្នុងការបញ្ជូនរថយន្តអគ្គិសនីម៉ូដែលចុងក្រោយទៅភពអង្គារខណៈរូបលោកត្រូវបានគេដឹងថាពូកែលេងកំប្លែងទាំងនៅក្នុងបណ្តាញសង្គម និងនៅខាងក្រៅតែ Musk បានប្រាប់វិបសាយ The Verge និងសារព័ត៌មានដទៃទៀតថា ផែនការរបស់លោកគឺពិតប្រាកដ ។ ផែនការនេះមិនចម្លែកនោះទេព្រោះការបាញ់បង្ហោះ Falcon Heavy លើកដំបូងនឹងក្លាយជាការតេស្តហោះហើរហើយSpaceX ត្រូវគេស្គាល់ថាជាក្រុមហ៊ុនសេវាកម្មដឹកទំនិញធ្ងន់ៗទៅអវកាស ។
Musk មិនបាននិយាយពីការចុះចតនិងទម្លាក់រថយន្តពីយាននៅលើភពអង្គារ ។ យ៉ាងណាក៏ដោយ Tesla Roadster បច្ចុប្បន្ននេះមានត្រឹមតែរូបរាងគំរូដើមតែប៉ុណ្ណោះហើយទោះបីជា Musk សរសេរលើ Twitter ថា destination is Mars orbit ឬ ទិសដៅគឺគន្លងភពអង្គារប្រហែលជាមិនមានន័យថា ការដាក់រថយន្តក្នុងគន្លងភពអង្គារនោះទេ ៕ ប្រែសម្រួល៖ សិរីបុទ្រ ប្រភព៖ http://fortune.com/2017/12/02/spacex-falcon-heavy-tesla-roadster-mars/
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
