Apple ព្រមបង់ពន្ធឲ្យប្រទេសអៀរឡង់ ដើម្បីអាចលក់បាននៅអឺរ៉ុប

2017-12-05 03:26:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីមានគំនាប និងរឿងចម្រូងចម្រាសជាច្រើនជាមួយសហគមន៍អឺរ៉ុប Apple បានសម្រេចយល់ព្រមបង់ថ្លៃពន្ធដែលមានទំហំទឹកប្រាក់ប្រមាណ ១៥,៤ ប៊ីលានដុល្លារ ទៅឲ្យរដ្ឋាភិបាលប្រទេសអៀរឡង់ ដើម្បីមានឱកាសឈរជើងក្នុងទីផ្សារបណ្ដាប្រទេសចាយប្រាក់អឺរ៉ូបន្តទៀត។

រឿងចម្រូងចម្រាសថ្លៃពន្ធ Apple គឺកើតឡើងដោយការចង់បានរបស់សហគមន៍អឺរ៉ុបតែប៉ុណ្ណោះ ក្រោយប្រទេសអៀរឡង់ប្រើគោលនយោបាយយុទ្ធសាស្ត្រអត្រាពន្ធទាបដើម្បីអូសទាញវិនិយោគទុនបរទេសឲ្យបោះទុនក្នុងប្រទេស។ យុទ្ធសាស្ត្រនេះបានក្លាយជាជម្រកបង់ពន្ធតិចបំផុតប្រមាណត្រឹម ០,០០៥ ភាគរយ ពីផលចំណេញរបស់ក្រុមហ៊ុនបច្ចេកវិទ្យាជាច្រើនរួមទាំង Apple ទៅឲ្យសហគមន៍អឺរ៉ុបចាប់ពីឆ្នាំ ២០០៣ ដល់ ២០១៤។

ដោយឡែក សម្រាប់រដ្ឋាភិបាលប្រទេសអៀរឡង់ផ្ទាល់ គឺតែងបង្ហាញចេតនាមិនចង់យកពន្ធច្រើនពី Apple ក៏ដូចជាក្រុមហ៊ុនបច្ចេកវិទ្យាផ្សេងៗ ព្រោះអៀរឡង់ចង់ក្លាយខ្លួនជាប្រទេសសមាជិកសហគមន៍អឺរ៉ុបលេចធ្លោក្នុងការជួយសម្រួលដល់ការបន្ធូរបន្ថយពន្ធពីក្រុមហ៊ុនបច្ចេកវិទ្យាអាមេរិក៕