Mourinho៖ គ្មានក្រុមណាសប្បាយចិត្តទេបើប៉ះ Man Utd វគ្គ១៦ក្រុម
- 2017-12-06 02:53:28
- ចំនួនមតិ 0 | ចំនួនចែករំលែក 0
Mourinho៖ គ្មានក្រុមណាសប្បាយចិត្តទេបើប៉ះ Man Utd វគ្គ១៦ក្រុម
ចន្លោះមិនឃើញ
Jose Mourinho បាននិយាយថាគ្មានក្រុមណាសប្បាយចិត្តទេបើចាប់ឆ្នោតប៉ះ Manchester United នៅវគ្គ១៦ក្រុមចុងក្រោយខាងមុខ។
ការលើកឡើងរបស់បុរសសញ្ជាតិព័រទុយហ្គាល់បន្ទាប់ពី Manchester United បានវាយបកយកឈ្នះ CSKA Moscow ដើម្បីឡើងទៅវគ្គ១៦ក្រុមចុងក្រោយក្នុងនាមជាក្រុមលេខមួយក្នុងពូល A។ United បញ្ចប់ការប្រកួតក្នុងពូលជាមួយកំណត់ត្រាឈ្នះ៥ដង និងចាញ់១ដងគត់ ក្នុងនោះពួកគេស៊ុតចូលគូប្រកួតចំនួន១២គ្រាប់។
ក្រោយជ័យជម្នះនៅ Old Trafford អ្នកចាត់ការវ័យ៥៤ឆ្នាំ បានបង្ហាញទស្សនៈផ្ទាល់ខ្លួនថាក្រុមរបស់លោកមិនមានបញ្ហាវគ្គក្រោយឡើយទោះចាប់ឆ្នោតប៉ះក្រុមណាក៏ដោយ ផ្ទុយទៅវិញក្រុមដែលប៉ះ Man United នឹងត្រូវភ័យព្រួយ។
“ទោះយើងប៉ះនរណាក៏គ្មានបញ្ហាដែរ។ ខ្ញុំមិនមែនជាមនុស្សមានសំណាងប៉ុន្មានទេចំពោះការចាប់ឆ្នោតដូច្នេះខ្ញុំគួរតែមិននិយាយអ្វី ហើយផ្ដោតអារម្មណ៍លើការប្រកួតក្នុងស្រុកព្រោះមែនទែនទៅវគ្គ១៦ក្រុមត្រូវលេងនៅខែកុម្ភៈឯណោះ។ ខ្ញុំគិតថាក្រុមដែលលេងទល់នឹង United មិនអាចសើចសប្បាយ ឬត្រេកអរបានឡើយ"។ Mourinho និយាយដូច្នេះ៕