សុខៗ Selena Gomez ប្ដូរគណនី Instagram ពីបើកចំហរ មកជាឯកជនវិញ

2017-12-06 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ០៤ ខែធ្នូកន្លងទៅនេះ តារាចម្រៀង Selena Gomez បានសរសេរនៅលើ Stories ក្នុងគណនី Instagramថា នាងចង់មានពេលសម្រាប់ខ្លួនឯងខ្លះ។

ដោយឡែកថ្មីៗនេះដែរ អ្នកគាំទ្ររបស់នាងបានសង្កេតឃើញថា នាងបានប្ដូរគណនី Instagram របស់នាងទៅជាគណនីឯកជនវិញ។ តែរឿងដែលល្អនោះគឺថា ប្រសិនបើប្រិយមិត្តបានតាមដានគណនីរបស់នាងហើយនោះ ប្រិយមិត្តនៅតែអាចមើលឃើញការបង្ហោះរបស់នាងដដែល ប៉ុន្តែសម្រាប់អ្នកថ្មី គឺមិនអាចចូលមើលបានឡើយ។

រឿងហេតុនៃការផ្លាស់ប្ដូរគណនីរបស់នាងនេះ អាចបណ្ដាលមកពីកាលពីប៉ុន្មានថ្ងៃមុននេះ នាងមានការខឹងសម្បាជាខ្លាំងជាមួយនឹងទស្សនាវដ្ដី Billboard។

បើតាមរូបភាពនៅលើ Stories ក្នុងគណនីរបស់នាង តារាស្រីរូបនេះ បានថតយកពាក្យពេចន៍ក្នុងវគ្គដំបូងនៃអត្ថបទមួយរបស់ទស្សនាវដ្ដីដែលបានសរសេរថានាងទុកតុក្កតាខ្លាឃ្មុំយ៉ាងធំមួយចោលនៅក្នុងផ្ទះបាយ ហើយតុក្កតានោះជាកាដូដែលនាងមិនចង់ទទួលយក។ ក្រោយមក នាងបានសរសេរនៅលើរូបភាពដែលនាងបានថតនោះថា៖ “ខ្ញុំគ្មានថ្ងៃឲ្យនរណាម្នាក់ទាយសម្ដីរបស់ខ្ញុំបានទៀតទេ។ ឬក៏ឲ្យពួកគេចូលមកក្នុងផ្ទះរបស់ខ្ញុំទៀត។ វាពិតជាឈឺចាប់ណាស់។ អ្វីដែលឡប់ជាងនេះទៀតគឺថា គ្មាននរណាម្នាក់យល់ពីចិត្តរបស់ខ្ញុំនៅពេលដែលខ្ញុំនិយាយអ្វីមួយនោះ។”

ការដែលអនុញ្ញាតឲ្យអ្នកកាសែតចូលទៅក្នុងផ្ទះរបស់នាងនេះ ពិតជាធ្វើឲ្យនាងខឹងជាខ្លាំងព្រោះព័ត៌មានបានផ្សព្វផ្សាយពាសពេញគេហទំព័រសង្គមនោះវាលើសពីអ្វីដែលនាងរំពឹងទុក។ កំហឹងនេះហើយទើបធ្វើឲ្យម្ចាស់បទ "Same Old Love” រូបនេះសម្រេចចិត្តបិទគណនី Instagram របស់នាងពីសាធារណៈ មកជាគណនីឯកជនវិញនោះ៕

ចុចអាន៖

ប្រភព៖ Hollywoodlife ប្រែសម្រួល៖ អន សុភក្ត្រា