ទីបំផុត Selena ចេញមុខបកស្រាយរឿងរ៉ាវជាមួយ The Weeknd និង Justin ហើយ

2017-12-01 03:24:48
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាសម្ដែងរបស់ Disney បានចេញនិយាយបកស្រាយពីរឿងរបស់នាងទាក់ទងមិត្តប្រុសបច្ចុប្បន្ន (Justin Bieber)និងអតីតមិត្តប្រុស( The Weeknd) របស់នាងអំឡុងពេលថតរូបទំព័រមុខឲ្យទស្សនាវដ្ដី Billboard ។

តារាវ័យ២៥ឆ្នាំ Selena Gomez បាននិយាយថា៖ “អ្វីដែលខ្ញុំមានមោទនភាពខ្លាំងនោះគឺមិត្តភាពពិតប្រាកដ (រវាងខ្ញុំនិង The Weeknd)។ ខ្ញុំពិតជាមិនធ្លាប់ឆ្លងកាត់រឿងដូចនេះពីមុនមកទេ។ ពួកយើងបានបញ្ចប់វាក្នុងនាមជាមិត្តភក្តិល្អ ហើយវាពិតជាល្អខ្លាំងណាស់ក្នុងការលើកទឹកចិត្ត និងមើលថែគ្នាកន្លងមក។ វាពិតជាអស្ចារ្យខ្លាំងណាស់សម្រាប់ខ្ញុំ”។

ងាកមកនិយាយពីរឿងមិត្តប្រុសបច្ចុប្បន្នរបស់នាងវិញ តារាស្រីរូបនេះបាននិយាយថា៖ “ខ្ញុំអាយុ២៥ឆ្នាំហើយ ខ្ញុំមិនមែនអាយុ ១៨, ១៩ ឬក៏២០ឆ្នាំទៀតទេ។ ខ្ញុំការពារមនុស្សដែលពាក់ព័ន្ធក្នុងជីវិតខ្ញុំ។ ដូច្នេះហើយពីមុនមក វាប្រហែលជាអាចថាបង្ខំចិត្តធ្វើអ្វីដែលមិនត្រឹមត្រូវ។ ប៉ុន្តែមិនមែនមានន័យថាការខ្វល់ខ្វាយពី នរណាម្នាក់វានឹងបាត់បង់ទៅនោះទេ"។

ត្រឡប់ទៅប៉ុន្មានខែមុននេះ ម្ចាស់បទ “Good For You” បានបែកបាក់ពីអតីតមិត្តប្រុស (The Weeknd) របស់នាង ប៉ុន្តែប៉ុន្មានសប្ដាហ៍ក្រោយនាងក៏បានចាប់ផ្ដើមទំនាក់ទំនងថ្មីជាមួយ Justin Bieber ដែលធ្លាប់ជាមិត្តប្រុសរបស់នាងពីមុនដែរនោះ ដែលនាំឲ្យបណ្ដាញផ្សព្វផ្សាយ និងអ្នកគាំទ្រជុំវិញពិភពលោកមានការភ្ញាក់ផ្អើលជាខ្លាំង៕

ចុចអាន៖

ប្រភព៖ Mirror ប្រែសម្រួល៖ អន សុភក្ត្រា