BMW G310 R ដាក់លក់នៅថៃ តម្លៃចង់ស្មើឡានមួយគ្រឿងនៅខ្មែរ

2017-12-06 04:30:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ម៉ូតូ G310R ស៊េរីឆ្នាំ ២០១៧ ដែលជាម៉ូតូប្រចាំឆ្នាំរបស់ក្រុមហ៊ុន BMW ដាក់លក់ក្នុងតម្លៃប្រមាណជា ៦ ០០០ ដុល្លារបង្ហាញខ្លួនក្នុងពិព័រណ៍ម៉ូតូ-រថយន្តនៅប្រទេសថៃ។

ម៉ូតូរាងឡូយនេះ មានបំពាក់ម៉ាស៊ីនបញ្ចុះកម្ដៅដោយទឹកទំហំ ៣១៣ សេសេ អាចផ្ដល់កម្លាំងបាន ៣៤សេះ អាចរត់បានល្បឿនអតិបរមាត្រឹម ១៤៤,៨៤ គ.ម/ម៉ មានទម្ងន់ ១៥៨,៥គ.ក។ ស៊ុមរបស់ម៉ូតូផលិតពីដែកថែប និងស៊ីប្រេងប្រមាណ ២,៧៧លីត្រ សម្រាប់ចម្ងាយផ្លូវ១០០គីឡូម៉ែត្រ និងមានបំពាក់ប្រព័ន្ធប្រាំង ABS ជាលក្ខណៈស្តង់ដារ។

ម៉ូតូធំ BMW G310 R ជាការចូលរួមសហការផលិតរវាងក្រុមហ៊ុន TVS របស់ឥណ្ឌា ជាមួយនឹងក្រុមហ៊ុន BMW ផ្ទាល់ហើយតម្លៃដាក់លក់នៅទីផ្សារប្រទេសថៃខ្ទង់ ១៩៩ ០០០ បាតស្មើនឹង ៦ ០០០ ដុល្លារ។ តម្លៃនេះបើធៀបទៅនឹងតម្លៃរថយន្ត លក់នៅប្រទេសកម្ពុជា អាចទិញបានរថយន្ត Kia Morning ស៊េរីឆ្នាំ ២០០៥ ឬ Camry ឆ្លាម/បាឡែនមួយគ្រឿងយ៉ាងឡូយ។

Kia Morning ឆ្នាំ ២០០៥ ថ្លៃប្រហែល ៦ ៥០០$

យ៉ាងណាមិញចំពោះទីផ្សារក្នុងស្រុក ម៉ូតូធំ BMW G310 R នៅមិនទាន់ឃើញមានលក់នៅឡើយក្រុមការងារ Sabay នឹងព្យាយាមស្វែងរកព័ត៌មានជូនប្រិយមិត្តប្រសិនបើមានវត្តមាននៅប្រទេសកម្ពុជា៕