រន្ធត់ចិត្ត លក់ iPhone X តាម​អនឡាញ រួច​ទៅ​យកលុយ ត្រូវ​គេ​បាញ់​សម្លាប់

  • 2017-12-07 01:57:17
  • ចំនួនមតិ

ចន្លោះមិនឃើញ

ក្មេង​ប្រុស​ជំទង់​វ័យ ១៨ ឆ្នាំ​ ២ រូប​ត្រូវ​បាន​ប៉ូលិស​ឃាត់​ខ្លួន​ ក្រោយ​រក​ឃើញ​បាន​បាញ់​សម្លាប់​បុរស​ម្នាក់​ជុំវិញ​ករណី​ទូរសព្ទ iPhone X។

កាសែត​ប្រចាំ​តំបន់​បាន​ចុះ​ផ្សាយ​ ជន​រង​គ្រោះ​វ័យ ៣២ ឆ្នាំ​លោក Danny Carlos បាន​បង្ហោះ​លក់​ទូរសព្ទ iPhone X លើ​កម្មវិធី​អនឡាញ Letgo (គេហទំព័រ​បង្ហោះ​ទិញ​លក់​ឥវ៉ាន់)។ លុះ​ថ្ងៃ​ ១៨ វិច្ឆិកា បាន​​បើក​រថយន្ត​ទៅ​ឈប់​នៅ​ស្ថានីយ​បញ្ចូល​ហ្គាស​កំពុង​មមាញឹក​មួយ​កន្លែង ពេល​អ្នក​ទិញ​មក​ដល់​លោក​ក៏​ប្រគល់​ទំនិញ​ទៅ​ឲ្យ។ តែ​អកុសល​ពួក​គេ​ជា​​ជន​មិន​ល្អ ក្រោយ​បាន​ទូរសព្ទ​ ក៏​រត់​ឡើង​រថយន្ត​ជិះ​ទៅ​បាត់ ធ្វើ​ឲ្យ​ជន​រង​គ្រោះ​រត់​តាម ទើប​ត្រូវ​ខ្មាន់កាំភ្លើង​បែរ​មក​បាញ់​សម្លាប់​តែ​ម្ដង។

ថ្វី​បើ​​គ្រូ​ពេទ្យ​ព្យាយាម​ជួយ​សង្គ្រោះ​បុរស​រូប​នោះ​ក្ដី នៅ​​តែ​មិន​អាច​គេច​ផុត​​ជីវិត​ ស្រប​ពេល​ខ្មាន់​កាំភ្លើង​ទាំង​ពីរ​រូប ត្រូវ​ប៉ូលិស​ចាប់​បាន​នៅ​ខែ​វិច្ឆិកា​ថ្ងៃ​ទី ១៩ និង ៣០ ដែល​ពួក​គេ​មាន​ឈ្មោះ Jordan Patton និង Marcus Fortune រស់​នៅ​ក្នុង​ទីក្រុង San Leandro រដ្ឋ​កាលីហ្វញ៉ា។

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...

អានអត្ថបទ:


ប្រភព៖ idropnews ប្រែ​សម្រួល៖ កៅ រក្សា