Qualcomm ជឿជាក់ច្បាស់ ការប្រើអ៊ីនធឺណិត 5G នឹងក្លាយជាការពិតនៅឆ្នាំ ២០១៩

2017-12-07 01:26:40
ចំនួនមតិ 0 | ចំនួនចែករំលែក 0

ចន្លោះមិនឃើញ

នាសន្និសីទ Snapdragon Tech Summit របស់ក្រុមហ៊ុន Qualcomm ដែលប្រព្រឹត្តិទៅនៅទីក្រុង Maui រដ្ឋ Hawaii សហរដ្ឋអាមេរិក ខ្លួនបានប្រកាសពីភាពខុសគ្នានៃការវិវត្តបច្ចេកវិទ្យាបច្ចុប្បន្នធៀបនឹងអនាគត ដែលរួមមានទាំងប្រព័ន្ធ 5G។ ទន្ទឹមនឹងការដាក់បង្ហាញនូវ Modem ជំនាន់ថ្មី Snapdragon X50 ក្រុមហ៊ុនអាមេរិកខាងលើ បានជឿជាក់ថាខ្លួននឹងជួយឲ្យពិភពលោកអាចប្រើអ៊ីនធឺណិត 5G នៅឆ្នាំ ២០១៩។

ស្របពេល 4G មានអាយុកាលជិត ១ ទសវត្សរ៍មកហើយនោះ ក៏ដល់ពេលអតិថិជនល្មមទទួលបានបទពិសោធន៍ថ្មីនៃការហក់ចូលអ៊ីនធឺណិតល្បឿនរង្វាស់ Gigabits ក្នុងមួយវិនាទី (Gbps) លឿនជាង 4G ១០០ ដង ខណៈសព្វថ្ងៃត្រឹមខ្ទង់ Megabits ក្នុងមួយវិនាទី (Mbps) ប៉ុណ្ណោះ។ មិនអាចសន្មតបានថា Modem ជំនាន់ X50 អាចគាំទ្រការប្រើប្រាស់ 5G នោះឡើយ ព្រោះត្រូវរង់ចាំការបង្ហាញ ១ ទៅ ២ ជំនាន់ថ្មីទៀត ដែលរំពឹងទាំងទទួលមុខងារថ្មីនិងជួយសន្សំសំចៃថាមពលកាន់តែប្រសើរ។