Courtois ថា Barcelona មិនចង់ប៉ះជាមួយ Chelsea ក្នុងវគ្គ ១៦ក្រុម
- 2017-12-07 02:51:16
- ចំនួនមតិ 0 | ចំនួនចែករំលែក 0
Courtois ថា Barcelona មិនចង់ប៉ះជាមួយ Chelsea ក្នុងវគ្គ ១៦ក្រុម
ចន្លោះមិនឃើញ
អ្នកចាំទីដៃទី ១ របស់ក្លឹបតោខៀវ Thibaut Courtois បាននិយាយថា ក្លឹបអ្នកមានបុណ្យ Barcelona មិនចង់ប៉ះក្លឹបខ្លួននៅវគ្គ១៦ក្រុម ក្នុងក្របខ័ណ្ឌ Champions League។
អ្នកចាំទីរូបនេះ បានថ្លែងប្រាប់អ្នកសារព័ត៌មានថា៖ "មានក្រុមអង់គ្លេសជាច្រើន ដែលបានបញ្ចប់ពូលរបស់ខ្លួនក្នុងចំណាត់ថ្នាក់លេខ ១ ដូច្នេះយើង (Chelsea) អាចនឹងលេងជាមួយ Barca, PSG ឬក៏ Besiktas"។ កីឡាករបែលហ្សិកបន្តទៀតថា៖ "ប៉ុន្តែបើអ្នកសួរក្លឹប Barca ថា ពួកគេចង់ប៉ះជាមួយយើង ឬអត់នៅវគ្គ ១៦ក្រុម ពួកគេនឹងនិយាយថា ទេ។ ពួកយើងគឺជាក្រុមដ៏ល្អមួយ ហើយពួកយើងនឹងព្យាយាមគ្រប់យ៉ាង ដើម្បីឡើងទៅវគ្គបន្ទាប់ៗទៀត"។
សូមបញ្ជាក់ផងដែរថា Chelsea បានបញ្ចប់ពូល Champions Leauge របស់ខ្លួន ក្នុងចំណាត់ថ្នាក់លេខ ២ បន្ទាប់ពីស្មើជាមួយ Atletico Madrid ខណៈក្លឹបអ៊ីតាលី Roma ឈរលេខ ១ ក្រោយឈ្នះ Qarabag FK ក្នុងលទ្ធផល ១ទល់នឹង ០៕