LG V30+ គូ​​ប្រជែង iPhone X នឹង​​បង្ហាញ​ខ្លួន​​នៅ​ឥណ្ឌា​​សប្ដាហ៍​ក្រោយ

  • 2017-12-07 03:45:00
  • ចំនួនមតិ

ចន្លោះមិនឃើញ

ក្រុមហ៊ុន​ LG នឹង​បាន​ប្រកាស​ចេញ​ស្មាតហ្វូន​លំដាប់​កំពូល​ជំនាន់​​​ចុង​ក្រោយ​របស់​ខ្លួន​ គឺ​ម៉ូដែល​ V30+ ​នៅ​ប្រទេស​ឥណ្ឌា​ថ្ងៃ​ទី ១៣ ខែ​ធ្នូ​ខាង​មុខ​នេះ ដែល​​មាន​បន្ថែម​ចំណុច​ថ្មីៗ​មួយ​ចំនួនលើស​បងប្អូន​ត្រកូល V30​។

LG V30+ បំពាក់​មក​ជាមួយ​អេក្រង់ FullVision OLED ទំហំ ៦ អ៊ីញ​បង្ហាញ​រូបភាព​ក្នុង​កម្រិត​ Quad HD+ (2880x1440) ភ្ជាប់​ជាមួយ​បច្ចេកវិទ្យា​ការពារ​ភាព​សឹក​ឆ្កូត Corning Gorilla Glass 5។

បំពាក់​មក​ជាមួយ​បន្ទះឈីប Snapdragon 835 របស់​ក្រុមហ៊ុន Qualcom។ RAM 4GB ជាមួយ​ទំហំ​ផ្ទុក​ទិន្នន័យ​ក្នុង​ម៉ាស៊ីន 128GB អាច​បន្ថែម​មេម៉ូរី​កាត​ខាង​ក្រៅ​ប្រភេទ MicroSDបាន​ដល់​ទំហំ 2TB។ ដើរ​ដោយ Android 7.1.2 (ជំនាន់​ទី ៧ Nougat) ជាមួយ​នឹង UX ស្ដុក​ដើម​របស់ LG 6.0+ ផង​ដែរ។

មាន​ថាមពល​ថ្ម​ទំហំ ៣ ៣០០ មីលី​អំពែ​ម៉ោង(mAh)។ អាច​ដាក់​ស៊ីម​បាន​២ ​រន្ធ​ដាក់​ស៊ីម​ប្រភេទ Hybrid។

កាមេរ៉ា​ភ្លោះ​ខាង​ក្រោយ​ម្ខាង​ទំហំ ១៦ មេហ្គាភិចសែល​ជាមួយ Apeture f/1.6 អាច​ថត​បាន ៧០ ដឺក្រេ​ប្រើ​ឡេន​ប្រភេទ Wide-angle Lens មាន​ភ្លើង Flash ពីរ​គ្រាប់​ជាមួយ​មុខងារ​រក្សា​លំនឹង OIS, EIS និង PDAF ចំណែក​ម្ខាង​ទៀត​ទំហំ ១៣ មេហ្គាភិចសែល​មាន Apeture f/1.9 អាច​ថត​បាន ១២០ ដឺក្រេ(Wide-angle Lens) សរុប​មក​ថត​បាន ១៨០ ដឺក្រេ​ពេញ​លេញ​តែ​ម្ដង​ មិន​ចាំបាច់​ឧបករណ៍​ជំនួយ។

រីឯ​កាមេរ៉ា​មុខ​ទំហំ ៥ មេហ្គាភិចសែល​មាន Apeture f/2.2អាច​ថតរូប Selfie ​បាន​យ៉ាង​ទូលាយ​ដល់​ទៅ ៩០ ដឺក្រេ(Wide-angle Lens)។

LG V30+ មាន​បំពាក់​​បច្ចេកវិទ្យា​សាក​ថ្ម​លឿន Quick Charge 3.0 សាក​ថ្ម​ឥត​ប្រើ​ខ្សែ Wireless Charging បច្ចេកវិទ្យា​ស្កេន​ខ្ចៅ​ដៃ បច្ចេកវិទ្យា​ការពារ​ធូលី និង​ជម្រាប​ទឹក​កម្រិត IP68 ដោយ​អាច​ស្ថិត​នៅ​ក្នុង​ទឹក​ជម្រៅ​ ១,៥ ម៉ែត្រ​ រយៈពេល​ ៣០ នាទី និង​បច្ចេកវិទ្យា​ផ្សេង​ទៀត​ដែល​មាន​នៅ​លើ V30 ដូច​ជា Cine Effect, Graphy, ប្រព័ន្ធ​សំឡេង​ Hi-Fi Quad DAC ជា​ដើម​។

តម្លៃ​ LG V30+ កាល​ប្រកាស​ដាក់​លក់​នៅ​កូរ៉េ​​ថ្លៃ​ប្រមាណ​ជា ៩៩៨ ៨០០ វ៉ុន ខ្ទង់​ ៨៨៥ ដុល្លារ។ ចំពោះ​តម្លៃ​នៅ​ឥណ្ឌា ប្រភព​មិន​បាន​បញ្ជាក់៕

ទទួលបានព័ត៌មានថ្មីៗ គន្លឹះមានប្រយោជន៍រួមទាំងចំណេះដឹងផ្សេងៗពីបច្ចេកវិទ្យា Like Page Sabay News Technology...

អត្ថបទ​ទាក់​ទង​៖


ប្រភព៖ Fonearena ប្រែ​សម្រួល៖ រក្សា