ក្រុមតារា Original Song ត្រៀមពញ្ញាក់អារម្មណ៍អ្នកគាំទ្រ ក្នុងថ្ងៃប្រគំតន្រ្តី CL(វីដេអូ)

2017-12-07 08:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីប្រគំតន្ត្រីដ៏ធំប្រចាំឆ្នាំ Smart Mega Concert ដែលនឹងឈានមកដល់ក្នុង ថ្ងៃទី៩ ធ្នូ ឆ្នាំ២០១៧ នេះហើយ។ ក្រៅពីមានការចូលរួមពីតារាចម្រៀងកូរ៉េ CL ក្នុងនោះក៏មានការសម្ដែងពីសិល្បករខ្មែរជាច្រើននាក់ ជាពិសេសក្រុមតារាចម្រៀង Original song ដែលមានឈ្មោះល្បីនៅក្នុងប្រទេសកម្ពុជា ដូចជា SmallWorld SmallBandក្រុម Mustache band និងកញ្ញា Nikki Nikki ជាដើម ។

មុនការប្រគំតន្រ្តីមកដល់តារាក្នុងដួងចិត្តប្រិយមិត្តទាំងអស់កំពុងខំហ្វឹកហាត់ដើម្បីជូនជាចំណីចក្ខុថ្មីសម្រាប់អ្នកគាំទ្រ ដោយបានត្រៀមទាំងសម្មភាពរាំ និងការច្នៃក្បាច់ទៀតផង។

កញ្ញារាងតូចច្រឡឹង រិទ្ធី លំអរកេសរ សមាជិកក្នុងក្រុម Smallworld SmallBand បានបង្ហាញអារម្មណ៍រីករាយខ្លាំង ចំពោះការចូលរួមក្នុងប្រតិ្តការណ៍ថ្មីសម្រាប់តន្រ្តីមួយនេះ និងបានត្រៀមចម្រៀង៣បទ គឺបទ Dear Father 2គុណ៥ បុណ្យភូមិកុកគ្រូ ដើម្បីចូលរួមក្នុងកម្មវិធីព្រោះបទទាំង៣នេះសុទ្ធតែមានលក្ខណៈពិសេសរបស់វា។

នារីរូបស្រស់បានបន្ថែមថា ប្រិយមិត្តនឹងទទួលបានអារម្មណ៍ថ្មីពីការប្រគាំតន្រ្តីនេះ ព្រោះក្រុម Original song នឹងមានការសម្ដែងរួមគ្នាដោយច្របាច់បទ Original song ទាំងអស់ទៅតែមួយបទ ដែលជាការសម្ដែងរួមគ្នាថ្មីមួយ។ «ពួកយើងចាប់ផ្តើមសមតាំងពីយើងបានទទួលព័ត៌មានពីការសម្ដែងបែបអន្តរជាតិមកម្ល៉េះ តាំងពីថ្ងៃទី៤ធ្នូ មក យើងតែងជុំគ្នាហាត់ពីម៉ាង៨ ព្រឹករហូតដល់ល្ងាច ហត់! តែយើងសប្បាយចិត្តនឹងធ្វើវា ព្រោះជាក្តីស្រលាញ់របស់យើង»។

ចំណែកកញ្ញារាងស្រឡូន Nikki Nikki ក៏មិនខុសពី កេសរដែរ។ ស្រីស្អាតបានប្រុងប្រយ័ត្នទាំងការសម្ដែង និងសុខភាព នាងបានប្រាប់ Sabay ថា មានចម្រៀង៣បទដើម្បីសម្ដែង។ «ខ្ញុំនឹង show បទចម្រៀងទើបតែចេញថ្មីរបស់ខ្ញុំ គឺ Throne ដែលខ្ញុំមិនដែលសម្ដែងផ្ទាល់ឡើយពីមុនមក»។

រីឯក្រុមបុរសសង្ហា Mustache ក៏បានត្រៀមខ្លួនជាស្រេចដើម្បីបង្ហាញការសម្ដែងថ្មីសម្រាប់អ្នកគាំទ្រខ្លួន។ បុរសរាងខ្ពស់ស្រឡះ ចេន បានត្រៀមបទចម្រៀងមួយចំនួន និងមានការច្រៀងជាក្រុមធំមួយបទ។ ម្ចាស់បទ"បុរសម្នាក់នេះសំខាន់នៅពេលណា" បន្ថែមថា ពួកត្រូវហ្វឹកហាត់ច្រើនជាក្រុមធំ យើងត្រូវការយល់ចិត្តគ្នាឲ្យបានច្រើន។

ទស្សនាការហាត់សមរបស់តារា Original Song:

ព្រឹតិ្តការណ៍ Smart Mega Concert នឹងធ្វើឡើងនៅសាលមហោស្រពកោះពេជ្រ ថ្ងៃទី៩ ខែធ្នូ ឆ្នាំ២០១៧ ដោយមានការអញ្ជើញចូលរួមពីតារាចម្រៀង លំដាប់កំពូលរបស់ K-Pop គឺ CL ចូលរួមផងដែរ។

អត្ថបទៈ ស្រីអូន