មិនគួររំលង! សៀវភៅរាប់ម៉ឺនក្បាលបញ្ចុះតម្លៃមិនធ្លាប់មាន នៅបណ្ណាល័យជាតិ
- 2017-12-08 05:18:34
- ចំនួនមតិ 0 | ចំនួនចែករំលែក 0
មិនគួររំលង! សៀវភៅរាប់ម៉ឺនក្បាលបញ្ចុះតម្លៃមិនធ្លាប់មាន នៅបណ្ណាល័យជាតិ
ចន្លោះមិនឃើញ
កម្មវិធីពិព័រណ៍សៀវភៅកម្ពុជា លើកទី ៦ ក្នុងឆ្នាំ២០១៧បានចាប់ផ្ដើមហើយកាលពីព្រឹកនេះនៅបណ្ណាល័យជាតិ។ អ្វីដែលគួរឲ្យចាប់អារម្មណ៍ពិព័រណ៍បង្កប់ការអប់រំ បំផុសគំនិតឲ្យស្រឡាញ់ការអាន មានតែមួយគត់នៅកម្ពុជាឆ្នាំនេះ មានសៀវភៅរាប់ម៉ឺនក្បាលពីបណ្ដាអ្នកនិពន្ធ នុងម្ចាស់គ្រឹះស្ថានបោះពុម្ពផ្សាយនានា បានតាំងបង្ហាញលក់ក្នុងតម្លៃពិសេសមិនធ្លាប់មាន។
បើតាមអ្នកស្រី ខ្លូត វិបុលឡា នាយិកាបណ្ណាល័យជាតិប្រាប់ Sabay ថាក្នុងឆ្នាំនេះមានតង់ពិព័រណ៍សៀវភៅរហូតជាង ៨០ និងមានសៀវភៅគ្រប់ប្រភេទ។ ជាពិសេសនោះថែមទាំងមានវត្តមានអ្នកនិពន្ធល្បីៗទាំងជំនាន់ក្រោយ និងជើងចាស់ចូលរួមដោយផ្ទាល់ និងចុះហត្ថលេខាលើស្នាដៃរបស់ខ្លួនទៅកាន់អ្នកទិញភ្លាមៗទៀតផង។
«ចាស...កូនគ្រាន់តែព្រឹកមិញនេះមានអ្នកចូលរួមជាងមួយម៉ឺននាក់ទៅហើយ អ្នកគ្រូពិតជាមិននឹកស្មានដល់មែន។» អ្នកស្រី ខ្លូត វិបុលឡា ថ្លែង។
នាយិកាបណ្ណាល័យជាតិរូបនេះបន្តទៀតថា កំណើនអ្នកចូលរួមឆ្នាំនេះមានការកើនឡើងកាន់តែច្រើន ដោយរំពឹងថា អាចមានអ្នកចូលរួមដល់ទៅជាង៣ម៉ឺននាក់ឯណោះ។ អ្នកស្រីបន្តថា នេះស្ដែងឲ្យឃើញពីកំណើនអ្នកចូលចិត្តអានសៀវភៅនៅកម្ពុជា កាន់តែច្រើនឡើងៗ ហើយក៏ជាភាពជោគជ័យដ៏សម្បើមមួយនៃកម្មវិធីពិព័រណ៍សៀវភៅថ្នាក់ជាតិផងដែរ។
ដូច្នេះប្រសិនបើចង់បានសៀវភៅល្អៗគ្រប់ប្រភេទ និងទទួលបានការបញ្ចុះតម្លៃចាប់ពី ១០% ទៅ ៧០% សូមកុំភ្លេចចូលរួមពិព័រណ៍សៀវភៅកម្ពុជាទាំងអស់គ្នា នៅបណ្ណាល័យជាតិទល់មុខ សាកលវិទ្យាល័យជាតិគ្រប់គ្រង។
ពិព័រណ៍សៀវភៅកម្ពុជា លើកទី ៦ មានរយៈពេល៣ថ្ងៃ ចាប់ពីថ្ងៃនេះ រហូតដល់ថ្ងៃទី ១០ ខែធ្នូ ឆ្នាំ ២០១៧៕