ជំនួប Man Utd និង Man City មានប្រទេសតែ៤ប៉ុណ្ណោះលើលោកនេះ ដែលខកខានមិនបានមើលការប្រកួតនេះ
- 2017-12-09 02:12:39
- ចំនួនមតិ 0 | ចំនួនចែករំលែក 0
ជំនួប Man Utd និង Man City មានប្រទេសតែ៤ប៉ុណ្ណោះលើលោកនេះ ដែលខកខានមិនបានមើលការប្រកួតនេះ
ចន្លោះមិនឃើញ
ក្រុមដែលមានអ្នកគាំទ្រច្រើនបំផុតមួយលើលោក Man Utd នឹងប៉ះជាមួយមិនដែលចាញ់រដូវកាលនេះ Man City នឹងក្លាយទៅជាការប្រកួតដ៏មានប្រជាប្រិយភាពបំផុតក្នុងប្រវត្តិសាស្ត្រក្របខ័ណ្ឌ Premier League ប៉ុន្តែមានប្រទេសតែ៤ប៉ុណ្ណោះដែលមិនបានមើលការប្រកួតនៅថ្ងៃអាទិត្យនេះ។ នេះបើតាម The Sun។
ប្រទេសទាំងនោះរួមមាន៖ គុយបា កូរ៉េខាងជើង Moldova (ប្រទេសរបស់អតីតសហភាពសូវៀត) និង ប្រទេស Saint Kitts & Nevis (ជាប្រទេសដែលមានកោះ២ស្ថិតនៅចន្លោះមហាសមុទ្រអាត្លង់ទិក និង សមុទ្រការាបៀន មានផ្ទៃដីប្រមាណ ២៦០ គីឡូម៉ែត្រការ៉េ និង មានប្រជាជនជាង៥ម៉ឺន៤ពាន់នាក់ប៉ុណ្ណោះ)។ បានន័យថាភ្នែករាប់លានគូនឹងមើលការប្រកួតដ៏ធំនៅទឹកដី Old Trafford លើកលែងតែប្រជាជនក្នុងប្រទេសទាំង៤នេះប៉ុណ្ណោះ ដែលខកខានឱកាសនេះ។
កីឡាករក្នុងក្រុមទាំង២បើដាក់បញ្ចូលគ្នាតម្លៃខ្លួនសរុបរបស់ពួកគេស្មើនឹងទឹកប្រាក់ប្រមាណ ៦៥០ លានផោន (ប្រហែល ៨៧០ លានដុល្លារ) ព្រោះគ្រាន់តែ Paul Pogba តែឯងតម្លៃខ្លួនដល់ទៅ ៨៦ លានផោន៕