បុរសពូកែលោតផ្លោះលើដំបូលអគារខ្ពស់ៗដើម្បីរកលុយ បានស្លាប់ហើយ (មានវីដេអូ)

2017-12-09 09:01:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសវ័យក្មេងជនជាតិចិនជាច្រើនអ្នក បានក្លាយជាមនុស្សពេញនិយមនៅលើអ៊ីនធឺណេតតាមរយៈវិដេអូ ដែលបង្ហាញអំពីសកម្មភាពហ៊ានប្រថុយនឹងគ្រោះថ្នាក់លើអាគារខ្ពស់ៗ ធ្វើឲ្យអ្នកគាំទ្ររបស់ពួកគេលើបណ្តាញសង្គមផឺតពោះជំនួស។

កាលពីខែមុនគណនីប្រព័ន្ធផ្សព្វផ្សាយសង្គមរបស់លោក យ៉ុង ជូ ដែលត្រូវបានគេស្គាល់ថាជាកំពូលអ្នកឡើងដំបូលអាគារល្បីជាងគេនៅចិន លែងឃើញបង្ហោះវីដេអូថ្មីៗទៀត ដែលនាំឲ្យអ្នកគាំទ្ររបស់លោកប្រមាណ ២៣៥ ០០០ នាក់ ជឿថាសំណាងរបស់បុរសវ័យ២៦ឆ្នាំនេះបានមកដល់ទីបញ្ចប់ហើយ។ កាលពីថ្ងៃទី៨ ធ្នូ នារីម្នាក់អះអាងថាជាសង្សាររបស់លោក បានបង្ហោះវីដេអូលើបណ្តាញសង្គម Weibo ប្រាប់ថា យ៉ុង ជូ ស្លាប់ហើយ។ នេះបើតាមសារព័ត៌មាន Shanghaiist។

"ថ្ងៃនេះគឺថ្ងៃទី ៨ ខែធ្នូ វាធ្វើឱ្យខ្ញុំគិតដល់ថ្ងៃ ៨ ខែវិច្ឆិកា ជាថ្ងៃដែលអ្នកចាកចេញពីយើង ចាកចេញពីពិភពលោកនេះ" ។ នាងសរសេរ។

ប្រភពខាងលើមិនបានបង្ហាញពីមូលហេតុដែល Spider Man នៅចិននេះស្លាប់ដោយរបៀបណាទេ ប៉ុន្តែគេជឿថា លោកបានខិតខំថតវីដេអូប្លែកៗ និង គ្រោះថ្នាក់បំផុតដើម្បីបានលុយយកទៅមើលម្តាយឈឺ។ ប្រភពខាងលើបន្ត៕

ប្រភព៖ Shanghaiist ប្រែសម្រួល៖ សុខ លាងហ៊ត