ម្តាយម្នាក់បានផ្តល់កំណើតឲ្យទារកមានរូបរាងដូច ទេពមច្ចា ធ្វើឲ្យក្រុមគ្រូពេទ្យភ្ញាក់ផ្អើលជាខ្លាំង

2017-12-10 10:11:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្តាយវ័យក្មេងម្នាក់បានផ្តល់កំណើតឲ្យទារក មានរូបរាងដូច ទេពមច្ចា តែអកុសលទារកបានស្លាប់៤ម៉ោងក្រោយសម្រាលទាំងពេទ្យមិនទាន់ដឹងថាជាស្រីឬប្រុសផង ដោយសារជើងទាំងគូរបស់ទារកជាប់គ្នាដូចត្រី។ នេះបើតាមសារព័ត៌មាន The Mirror របស់អង់គ្លេសទើបបានចុះផ្សាយ។

ម្តាយទារកនោះមានឈ្មោះថា Muskura Bibi អាយុ ២៣ឆ្នាំបានធ្វើឱ្យគ្រូពេទ្យភ្ញាក់ផ្អើលជាខ្លាំងក្រោយពីបានផ្តល់កំណើតដល់ទារកដែលកើតជម្ងឺមហារីក បណ្តាលឲ្យខូចទ្រង់ទ្រាយ ទៅជាមនុស្សដូចក្នុងរឿងទេពមច្ចា ហើយនេះជាករណីទី២ហើយនៅឥណ្ឌា។

Muskura Bibi មិនមានលទ្ធភាពពិនិត្យផ្ទៃពោះឲ្យបានត្រឹមត្រូវ និង មិនបានលេបថ្នាំអំឡុងពេលមានផ្ទៃពោះកូនដំបូងរបស់នាង។ វេជ្ជបណ្ឌិតសាហាបាននិយាយថាទារកនេះមានការលូតលាស់មិនប្រក្រតី និង មិនបានទទួលអាហារូបត្ថម្ភគ្រប់គ្រាន់។ ប្រភពខាងលើបន្ត។

ទារក “ទេពមច្ចា" ទី១ដែលបានកើតនៅប្រទេសឥណ្ឌាមានជីវិតត្រឹម ១០ នាទីប៉ុណ្ណោះបន្ទាប់ពីសម្រាលកាលពីឆ្នាំ ២០១៦។ ប្រភពខាងលើបន្ថែម៕

ប្រភព៖ Mirror ប្រែសម្រួល៖ សុខ លាងហ៊ត