លើ Flickr កាមេរ៉ា iPhone វ៉ាដាច់ Canon និង Nikon

2017-12-11 03:56:28
ចំនួនមតិ 0 | ចំនួនចែករំលែក 0

ចន្លោះមិនឃើញ

Flickr ជាគេហទំព័រដ៏ធំមួយដែលរក្សាទុករូបភាពរាប់លានសន្លឹកមានគ្រប់បែបគ្របសព្វ ហើយថ្មីៗនេះពួកគេបានចេញនូវចំណាត់ថ្នាក់ឧបករណ៍កាមេរ៉ាលំដាប់កំពូលប្រចាំឆ្នាំ ២០១៧។ ក្នុងនោះ iPhone ក្តោបក្តាប់បាន ៥៤ ភាគរយនៃអ្នកថតរូបអាជីពដែលប្រើកាមេរ៉ា iPhone សម្រាប់ថត ដោយភាគរយនេះវ៉ាដាច់លើស្លាកយីហោ Canon បាន ២៣ ភាគរយ និង Nikon បានត្រឹម ១៨ ភាគរយប៉ុណ្ណោះ។

រូបតំណាង iPhone 7 Plus

បើគិតជាក្រុម ប្រភេទកាមេរ៉ា DSLR បាន ៣៣ ភាគរយ, Point-and-Shoot បាន ១២ ភាគរយ និងកាមេរ៉ា Mirrorless បាន ៤ ភាគរយ។ បច្ចុប្បន្នអ្នកថតរូបជាច្រើន បានចាប់អារម្មណ៍លើស្មាតហ្វូនកាមរ៉ាភ្លោះ,មានទំហំ Megapixels ធំ និងបច្ចេកវិទ្យា AI បូកផ្សំប្រព័ន្ធកម្មវិធីទំនើប សោតយ៉ាងដូចជាស្មាតហ្វូន Huawei ប្រើកាមេរ៉ា Leica, ស្មាតហ្វូន Apple និងជើងខ្លាំងកាមេរ៉ាមួយគ្រាប់ Pixel 2។

គេហទំព័រដែលបង្កើតឡើងនៅឆ្នាំ ២០០៤ មួយនេះបញ្ជាក់ឲ្យដឹងទៀតថាក្នុងចំណោម ១០ នៃឧបករណ៍ពេញនិយមបំផុត មាន iPhone ៣ ម៉ូដែលរួមមាន iPhone 6, iPhone 6s និង iPhone 5s ស្របពេល Canon 5D Mark III ឈរលេខ ៩។