Toyota VIOS ស៊េរី ២០១៨ ទើបមកដល់ក្ដៅៗ តម្លៃល្មមទិញជិះ

2017-12-10 05:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន តូយ៉ូតាបានប្រកាស់ចេញនូវរថយន្តតូយូតា Vios ស៊េរី 2018 ដែលជារថយន្តស៊េរីថ្មីដែលមានការរចនារូបរាងដ៏តូចច្រឡឹងដោយមើលពីមុខដូចជារថយន្ត Camry ប៉ុន្តែរាងរៅទាំងមូលដូច Avanza។

រថយន្ត VIOS ស៊េរីថ្មីដែលក្រុមហ៊ុន Toyota ទើបនាំមកលក់ជាផ្លូវការនៅទីផ្សារប្រទេសកម្ពុជាដោយផ្តោតលើទីផ្សារយុវវ័យដែលត្រូវការរថយន្តថ្មីមានតម្លៃសមរម្យ។

VIOS ជាប្រភេទរថយន្ត Sedan ដែលផលិតដំបូងតាំងពីឆ្នាំ២០០២។ ឈ្មោះ"VIOS” មកពីពាក្យឡាទីនមានន័យថាឆ្ពោះទៅមុខ។ រថយន្តនេះបានបំពាក់ជាមួយម៉ាស៊ីនសាំងចំណុះ ១,៣ លីត្រ។

ជាមួយការចនារូបរាងដ៏ទាក់ទាញលក្ខណៈ AERO Dynamic ដែលផ្នែកខាងមុខនៃរថយន្តបំពាក់មកជាមួយ ភ្លើង Daytime Running Light ប្រើប្រាស់ពេលថ្ងៃដែលធ្វើឲ្យអ្នកដំណើរដទៃទៀតឆាប់មើលឃើញ ប្រកបដោយសុវត្ថិភាព។

ចង្កៀងក្រោយបំពាក់ជាមួយភ្លើង LED មានភាពងាយស្រួលមើលពីចម្ងាយ ផ្នែកចំហៀងរចនាថ្មីជួយរក្សាលំនឹងពេលបើកបរ កាត់បន្ថយសំឡេង មានភាពងាយស្រួលក្នុងការបង្កើនល្បឿន ដែលមានបំពាក់ជាមួយនឹងអង់តែនស្រួចនៅផ្នែកខាងលើ ។

មានពោងសុវត្ថិភាពចំនួន៧ ភ្ជាប់មកជាមួយនឹងប្រព័ន្ធហ្វ្រាំងសុវត្ថិភាព (ABS) និង (BA) ប្រព័ន្ធបែងចែកកម្លាំងសម្ពាធហ្វ្រាំង (EBD) ប្រព័ន្ធគ្រប់គ្រងលំនឹង (VSC)ប្រព័ន្ធគ្រប់គ្រង់ទំនាញសកម្ម (TRC) ប្រព័ន្ធ ជំនួយឡើងចំណោត (HAC) ប្រព័ន្ធ Follow Me Home ផ្ដល់សុវត្តិភាពក្នុងពេលបើកបរ និងមាន Sensor មុខក្រោយដើម្បីការពារការប៉ះទង្គិច។

មានជម្រើសពណ៌ដូចជា ពណ៌ក្រហម ពណ៌ស ពណ៌ប្រផេះ ពណ៌ប្រាក់ ពណ៌ខ្មៅ ពណ៌ខៀវ ពណ៌ត្នោត និងពណ៌ផ្ទៃមេឃ។ដាក់លក់ក្នុងទីផ្សារប្រទេសកម្ពុជាមាន តម្លៃ ២៩,៥០០ ដុល្លារ។