គន្លឹះងាយៗក្លាយខ្លួនជាអ្នកថតវីដេអូ Vlog ដ៏ល្បីល្បាញម្នាក់

2017-12-09 03:05:06
ចំនួនមតិ 0 | ចំនួនចែករំលែក 0

ចន្លោះមិនឃើញ

Vlog ដែលមកពីពាក្យពេញ Video blog ឬ Video log សំដៅទៅដល់ការផលិតវីដេអូនៃខ្លួនឯង, ព្រឹត្តិការណ៍ ឬបរិយាកាសណាមួយ ចូលទៅក្នុងបណ្ដាញអ៊ីនធឺណិត។ ប្រភេទវីដេអូ Vlog ដែលពេញនិយមបំផុត ច្រើនមានលើគេហទំព័រ YouTube។

+ដើមកំណើតនៃ Vlog:

កើតដំបូងនៅថ្ងៃទី ២ មករា ឆ្នាំ ២០០០ លោក Adam Kontras បានបង្ហោះវីដេអូមួយទាក់ទងនឹងការជូនដំណឹងដល់មិត្តភ័ក្ដិក៏ដូចជាក្រុមគ្រួសារដែលបានផ្លាស់ទីលំនៅទៅទីក្រុង Los Angeles។ រំលងដល់ខែវិច្ឆិកា Adrian Miles ក៏បង្ហោះវីដេអូស្រដៀងគ្នាប៉ុន្តែបន្ថែមអក្សរនៅក្នុងរូបភាព ស្របពេលឆ្នាំ ២០០៤ Steve Garfield បានបង្កើតនូវប្លុកផ្ទាល់ខ្លួនមួយសម្រាប់បង្ហោះវីដេអូ Vlog។

រូបតំណាងការថតវីដេអូ Vlog

ត្រូវបានផ្ទុះការចាប់អារម្មណ៍ខ្លាំងនាឆ្នាំ ២០០៥ នៅលើគេហទំព័រ **Yahoo** រំលងមួយឆ្នាំនៃការបង្កើត **YouTube** ក្រុមហ៊ុនអាមេរិកមួយនេះ ក៏ប្រែក្លាយជាគេហទំព័រធំបំផុតលំដាប់ទី ៥ មានអ្នកទស្សនាវីដេអូ ១០០ លានដងប្រចាំថ្ងៃ និងវីដេអូបង្ហោះថ្មី ៦៥,០០០ ដង។ ចាប់តាំងពីពេលនោះ មនុស្សជាច្រើនក៏បានបង្វែរការបង្ហោះវីដេអូ Vlog របស់ខ្លួន ចូលទៅគេហទំព័រ YouTube ជំនួសដោយការបង្កើតប្លុកផ្ទាល់ខ្លួន។

+គន្លឹះក្លាយខ្លួនជាអ្នកថតវីដេអូ Vlog:

ស្វែងយល់ពីអ្នកកំពុងល្បីខាងថត Vlog សព្វថ្ងៃ តើពួកគេប្រើប្រាស់ឧបករណ៍បែបណាខ្លះ និងវិធីសាស្ត្រណាដើម្បីភ្ជាប់វីដេអូទៅកាន់អ្នកទស្សនា?
ចំណាយពេលប៉ុន្មានម៉ោងមុនបើកកាមេរ៉ា ក្នុងការរៀបចំអ្វីដែលត្រូវនិយាយឲ្យបានរលូន
តម្រូវការ Tripod ជៀសវាងវីដេអូដែលអ្នកថតពុំមានស្ថិរភាព

រូបតំណាងជើងទម្រ Tripod

ត្រូវចេះបង្កើតសំណួរទៅកាន់អ្នកទស្សនា ក្នុងគោលដៅធ្វើឲ្យវីដេអូមានការចាប់អារម្មណ៍បន្ថែម
រកទីតាំងថតដែលទាក់ទាញភ្នែកអ្នកទស្សនា ដូចជាហាងកាហ្វេ ឬកន្លែងកម្សាន្តណាមួយ
ឆ្លើយឆ្លង Comment ជាមួយអ្នកទស្សនា ឲ្យមានទំនាក់ទំនងកាន់តែល្អ

វីដេអូ Vlog ដែលល្អបំផុត មិនចំណាយពេលវែងពេកនោះទេ
បង្កើត Channel មួយនៅលើគេហទំព័រ YouTube ឬគេហទំព័រដទៃ
ចាប់ផ្ដើមធ្វើវា ដោយកុំគិតថាដំបូងយើងធ្វើមិនបានល្អ ព្រោះទៅថ្ងៃមុខយើងនឹងពង្រឹងខ្លួនឯងដោយមិនដឹងខ្លួន។

ប្រភព: https://www.thesitsgirls.com/vlogging/how-to-vlog/