Barca ចេញសារឌឺ Chelsea តែ Conte ប្រាប់កូនក្រុមឲ្យបំភ្លេចអតីតកាល

2017-12-12 02:13:49
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Antonio Conte បានប្រាប់កីឡាកររបស់លោកឲ្យបំភ្លេចពីរឿងអតីតកាល ប្រវត្តិសាស្ត្រដ៏ជូរចត់ជាមួយ Barcelona បន្ទាប់ពីក្រុមទាំងបានត្រូវបានចាប់ឆ្នោតជួបគ្នាម្ដងទៀតក្នុងវគ្គ១៦ក្រុមចុងក្រោយ Champions League រដូវកាលនេះ។

ក្លឹបទាំងពីធ្លាប់មានរឿងរ៉ាវទម្លាក់គ្នាម្នាក់ម្ដងក្នុងពានធំប្រចាំទ្វីបអឺរ៉ុបមួយនេះ ក្នុងរយៈពេលប៉ុន្មានឆ្នាំកន្លងទៅ ហើយថ្មីៗនេះ Barcelona ក៏បានបោះសារឌឺដងមកកាន់ Chelsea ខ្លះៗមុនការប្រកួតមកដល់។ ក្លឹបក្នុងតំបន់ Catalan បានរំឭករឿងអតីតមួយលើបណ្ដាញសង្គម Twitter កាលពីឆ្នាំ២០០៩ ពេលទម្លាក់ Chelsea នៅ Stamford Bridge វគ្គពាក់កណ្ដាលផ្ដាច់ព្រ័ត្រដោយសារគ្រាប់បាល់របស់ Iniesta ។

Barca បានសរសេរថា៖ "ពួកយើងមានពេលវេលាដ៏ល្អនៅកីឡដ្ឋាន Stamford Bridge ពិតមែនទេ Iniesta”។ យ៉ាងណាក្ដី លោក Conte បានលើកឡើងថា អ្វីៗដែលបានកន្លងផុតទៅពីមុន នឹងមិនមានការប៉ះទង្គិចអ្វីទៀតឡើយនៅពេលនេះ ត្រូវប្រាប់កីឡាករទាំងអស់ឲ្យចារប្រវត្តិថ្មីរបស់ពួកគេ។

“ការប្រកួតនាឆ្នាំនោះគឺជាអតីតកាល បច្ចុប្បន្នគឺជារឿងថ្មី។ វាមិនដូចគ្នាទេ។ ការប្រកួតបែបនេះគឺជាឱកាសដ៏ល្អសម្រាប់កីឡាករទាំងអស់ដើម្បីបង្ហាញតម្លៃពិត កីឡាករទាំងអស់ត្រូវលេងដោយភាពត្រឹមត្រូវ"។ សម្ដីអ្នកចាត់ការសញ្ជាតិអ៊ីតាលី។ បើនិយាយពីអតីតកាល Chelsea ក៏ធ្លាប់ទម្លាក់ Barca នៅវគ្គពាក់កណ្ដាលផ្ដាច់ព្រ័ត្រដែរ កាលជំនាន់ Toress ឆ្នាំ២០១២៕