ប្រទេសប៊ុលហ្គារី ត្រៀមប្រើ Bitcoins ដើម្បីដោះស្រាយបំណុលជាតិ

2017-12-12 02:46:16
ចំនួនមតិ 0 | ចំនួនចែករំលែក 0

ចន្លោះមិនឃើញ

រដ្ឋាភិបាលប្រទេសប៊ុលហ្គារី គ្រោងប្រើប្រាស់រូបិយប័ណ្ណអេឡិចត្រូនិក Bitcoins ដែលមានតម្លៃប្រមាណ ៣,៦ ប៊ីលានដុល្លារ ដើម្បីទូទាត់ដោះស្រាយបន្ធូរបន្ថយបំណុលជាតិ ដែលកំពុងមានសរុបជាង ១៦,៥ ប៊ីលានដុល្លារ។

Bitcoins ដែលរដ្ឋាភិបាលប្រទេសប៊ុលហ្គារី គ្រោងប្រើប្រាស់ទាំងនោះ គឺរឹបអូសបានពីប្រតិបត្តិការបោសសម្អាតអំពើពុករលួយក្នុងជួរមន្ត្រីរាជការ ដែលឃុបឃិតនឹងក្រុម Hacker ក្នុងការបញ្ចូលមេរោគទៅកាន់កុំព្យូទ័ររបស់ប្រជាពលរដ្ឋ ហើយលក់កម្មវិធីកម្ចាត់មេរោគ និងគ្រឿងបន្លាស់ដែលទូទាត់ដោយ Bitcoins។

កាន់តែគ្រោះថ្នាក់ មេរោគទាំងនោះ មានសមត្ថភាពអាចធ្វើឲ្យផ្នែក Hardware កុំព្យូទ័រជនរងគ្រោះខូចខាត ហើយតម្រូវឲ្យផ្លាស់ប្ដូរថ្មី ខណៈគ្រឿងដែលត្រូវប្ដូរទាំងនោះ គឺលក់ផ្ដាច់មុខដោយមន្ត្រីមួយចំនួនរបស់រដ្ឋាភិបាលប៊ុលហ្គារី។

ការបោសសម្អាតនេះ ក៏រកឃើញថាមានពាក់ព័ន្ធនឹងក្រុមឧក្រិដ្ឋជនបច្ចេកវិទ្យារបស់សាធារណរដ្ឋ យូហ្គោស្លាវី, ប្រទេសក្រិក, រ៉ូម៉ានី និងស៊េប៊ី៕