ចាំអត់ មានអីសំខាន់កើតឡើង ក្នុងថ្ងៃនេះ កាលពី ២ឆ្នាំមុន?
- 2017-12-12 13:35:00
- ចំនួនមតិ 0 | ចំនួនចែករំលែក 0
ចាំអត់ មានអីសំខាន់កើតឡើង ក្នុងថ្ងៃនេះ កាលពី ២ឆ្នាំមុន?
ចន្លោះមិនឃើញ
ក្នុងថ្ងៃនេះ កាលពីរយៈពេល ២ឆ្នាំមុន កិច្ចព្រមព្រៀងស្ដីពីអាកាសធាតុត្រូវបានប្រសូតឡើង។
កាលពីថ្ងៃទី ១២ ខែធ្នូ ឆ្នាំ ២០១៥ ប្រមុខរដ្ឋមកពីបណ្ដាប្រទេសចំនួន ១៩៥ បានសម្រេចសម្រួលគ្នាបង្កើតកិច្ចព្រមព្រៀងស្ដីពីអាកាសធាតុ នៅក្នុងទីក្រុងប៉ារីស ប្រទេសបារាំង។ ចំណុចសំខាន់នៃកិច្ចព្រមព្រៀងមួយនេះ គឺថា ប្រទេសហត្ថលេខីបានសន្យាក្នុងការកាត់បន្ថយការបញ្ចេញចោលឧស្ម័នផ្ទះកញ្ចក់ដូចជាឧស្ម័នកាបូនិចជាដើម ដើម្បីធ្វើយ៉ាងណា កុំឲ្យសីតុណ្ហភាពរបស់ផែនដី កើនឡើងលើសពី ២អង្សាសេ។ អ្នកជំនាញជាច្រើនបានគូសបញ្ជាក់ថា ២អង្សាសេនេះ គឺជាតួលេខគួរឲ្យព្រួយបារម្ភរួចទៅហើយ ដោយពួកគេថា បើលើសពីសីតុណ្ហភាពនេះ នឹងនាំឲ្យមានការកើនឡើង នូវរលកកំដៅ ខ្យល់ព្យុះ គ្រោះរាំងស្ងួត និងការឡើងកម្រិតកម្ពស់ទឹកសមុទ្រ។
ទោះជាយ៉ាងនេះក្ដី កាលពីខែមិថុនា ឆ្នាំ ២០១៧ សហរដ្ឋអាមេរិកក្រោមរដ្ឋបាលប្រធានាធិបតីដូណាល់ ត្រាំ បានសម្រេចដកខ្លួនចេញពីកិច្ចព្រមព្រៀងអាកាសធាតុនេះ ដោយលោកបានបញ្ជាក់ថា លោកនឹងមិនគាំទ្រកិច្ចព្រមព្រៀងណា ដែលដាក់ទណ្ឌកម្មលើប្រទេសលោកឡើយ៕