Pogba ទម្លាយមូលហេតុជ្រើស Man Utd ចោល Real Madrid

2017-12-13 02:48:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើ Paul Pogba បានប្រាប់ពីមូលហេតុបដិសេធចូលរួមជាមួយ Real Madrid មុនពេលសម្រេចមក Manchester United កាលពីឆ្នាំមុន។

កីឡាករសញ្ជាតិបារាំងបានក្លាយជាកីឡាករថ្លៃជាងគេ ពេលផ្លាស់ចេញពី Juventus មកកាន់ Man Utd សាជាថ្មី កាលពីខែ សីហា ឆ្នាំ ២០១៦ក្នុងតម្លៃ៨៩,៥លានផោន តែកំណត់ត្រានេះត្រូវបាន Neymar បំបែកបានហើយនៅឆ្នាំនេះ។ Pogba បានចាកចេញពីបិសាចក្រហមដោយគ្មានតម្លៃខ្លួនទៅកាន់ទឹកដីអ៊ីតាលីរយៈពេល៤ឆ្នាំ ប៉ុន្តែគេបានថ្លែងថា ដោយសារចិត្តនៅស្រឡាញ់ក្លឹបចាស់ទើបមក Old Trafford វិញ។

និយាយក្នុងកម្មវិធីមួយ Pogba ពន្យល់ថា៖ "ចេញពីភាពស្មោះត្រង់ Real Madrid បានមកទាក់ទងខ្ញុំ ហើយខ្ញុំក៏ធ្លាក់គិតថាទៅទីនោះដែរ ហើយខ្ញុំក៏គិតចង់ទៅ Manchester United ដូចគ្នា។ តែខ្ញុំតែងតែមានចិត្តមួយ បេះដូងខ្ញុំប្រាប់ខ្ញុំថា ឲ្យត្រឡប់ទៅ Man Utd វិញ។ ខ្ញុំក៏មិនដឹងហេតុអ្វីដែរ។ ខ្ញុំក៏មិនដឹងថានឹងមានអ្វីកើតឡើងដែរ។ តែខ្ញុំមិនដែលសោកស្ដាយទេចំពោះការជ្រើសរើសរបស់ខ្ញុំ"៕