ផ្លូវការហើយ ចាន់ វឌ្ឍនាកា ចុះកុងត្រាជាមួយក្លឹប PAHANG FA របស់ម៉ាឡេស៊ី

2017-12-15 09:37:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីធ្វើដំណើរទៅកាន់ទឹកដីប្រទេសម៉ាឡេស៊ីកាលពីព្រឹកថ្ងៃព្រហស្បតិ៍ទី១៤ ខែធ្នូម្សិលមិញ តារាបាល់ទាត់កម្ពុជា ចាន់ វឌ្ឍនាកា បានចុះកុងត្រាជាផ្លូវការថ្ងៃនេះហើយជាមួយក្លឹបថ្មី PAHANG FA រយៈពេល១រដូវកាល។ នេះបើតាមការប្រកាសជាផ្លូវការរបស់សាមីខ្លួនលើបណ្តាញសង្គម។

ចាន់ វឌ្ឍនាកា

ចាន់ វឌ្ឍនាកា បានធ្វើដំណើរទៅប្រទេសម៉ាឡេស៊ីកាលពីម្សិលមិញដែលមានលោក បែ មករា អ្នកចាត់ការទូទៅរបស់បឹងកេតទៅជាមួយដែរ និងបានចុះកុងត្រាបង្ហាញឈ្មោះក្លឹបថ្មី PAHANG FA តែម្តង។ រូបគេនឹងវិលត្រឡប់មកប្រទេសកម្ពុជាវិញវេលាម៉ោង៩ព្រឹក ថ្ងៃសៅរ៍ ទី១៦ ខែធ្នូនេះដើម្បីសម្រាកមុនពេលចេញទៅលេងជាផ្លូវការនាខែមករា ឆ្នាំ២០១៨ខាងមុខ។

ចុចអាន៖ ដំណឹងរសើបពីម៉ាឡេស៊ី ចាន់ វឌ្ឍនាកា ទៅលេងក្លឹបថ្មីទទួលកម្រៃជាង១ម៉ឺនដុល្លារ ១ខែ

អតីតសមាជិកក្លឹបជប៉ុន Fujieda MYFC បានលាអ្នកគាំទ្រតាមបណ្តាញសង្គម Instagram កាលពីម្សិលមិញ និងសន្យាជួបគ្នាលើកក្រោយទៀត។ រហូតដល់ពេលនេះមានកីឡាករកម្ពុជា៣នាក់គឺ ធារី ចន្ថាប៊ីន ចុះកុងត្រាលេងឲ្យក្លឹប Terreganu FC កីឡាករ កែវ សុខផេង ចូលរួមជាមួយក្លឹប PKNP FC និង ចាន់ វឌ្ឍនាកា ចូលរួមជាមួយក្លឹប PAHANG FA នៃលីគកំពូលរបស់ប្រទេសម៉ាឡេស៊ីរដូវកាលថ្មីខាងមុខនេះ៕