៣ ចំណុចអាទិភាព ឆាយ បូរ៉ា ត្រូវដោះស្រាយក្រោយពីជាប់ប្រធានសមាគមភាពយន្ត
- 2017-12-15 09:56:09
- ចំនួនមតិ 0 | ចំនួនចែករំលែក 0
៣ ចំណុចអាទិភាព ឆាយ បូរ៉ា ត្រូវដោះស្រាយក្រោយពីជាប់ប្រធានសមាគមភាពយន្ត
ចន្លោះមិនឃើញ
ក្រោយពីជាប់ឆ្នោតជាប្រធានសមាគមភាពយន្តកាលពីថ្ងៃទី ១៤ ខែ វិច្ឆិកា ឆ្នាំ ២០១៧ ម្សិលមិញនេះលោក ឆាយ បូរ៉ា ចាងហ្វាងផលិតកម្មដើមត្នោតមានយុទ្ធសាស្ត្រ៣ ចំណុចដែលត្រូវដោះស្រាយនាពេលខាងមុខ។
ទាំង៣ចំណុចដែលត្រូវដោះស្រាយលោក ឆាយ បូរ៉ា បានប្រាប់Sabay ថា មានដូចជា៖
ចំណុចទី១ លើកស្ទួយវិស័យភាពយន្តខ្មែរ ដោយដោះស្រាយពន្ធដា នឹងដាក់ពាក្យស្នើទៅកាន់ប្រមុខរាជរដ្ឋាភិបាលឲ្យលើកលែងពន្ធគ្រប់ប្រភេទ លើវិស័យភាពយន្តខ្មែររយៈពេល១០ឆ្នាំ។
ចំណុចទី២ ពង្រឹងគុណភាពក្នុងការផលិតភាពយន្តឲ្យមានកម្រិតស្តង់ដាខ្ពស់អាចយកទៅប្រកួតប្រជែងជាមួយប្រទេសជិតខាងបាន ដោយបង្កើតការបណ្ដុះបណ្ដាលផ្នែកតែងនិពន្ធ ថត ដឹកនាំសម្ដែង កាត់តវីដេអូ។
ចំណុចទី៣ ទាក់ទងដើមទុនក្នុងការផលិតរឿងដូចជា៖ ចំពោះអ្នកមានសមត្ថភាពតែមិនមានធនធានក្នុងការផលិត ដូច្នេះក្នុងនាម លោកជាប្រធានសមាគមភាពយន្តមួយរូប ត្រូវស្វែងរកអ្នកមានធនធានឲ្យមកសហការគ្នាជាមួយអ្នកគ្មានធនធានផលិត។
លោក ឆាយ បូរ៉ា បន្ថែមថា៖ “តែ៣ចំណុចហ្នឹងសិនទេ ព្រោះបើយើងធ្វើបាន៣ចំណុចនេះហើយ ភាពយន្តខ្មែរយើងអាចនាំចេញទៅចាក់បញ្ចាំងក្រៅប្រទេសបានហើយ"៕