តារាផលិតកម្ម YG ម្នាក់ទៀតហើយត្រូវប៉ូលិសឃាត់ខ្លួនពីបទប្រើប្រាស់គ្រឿងញៀន
- 2017-12-15 10:30:00
- ចំនួនមតិ 0 | ចំនួនចែករំលែក 0
តារាផលិតកម្ម YG ម្នាក់ទៀតហើយត្រូវប៉ូលិសឃាត់ខ្លួនពីបទប្រើប្រាស់គ្រឿងញៀន
ចន្លោះមិនឃើញ
ផលិតករ និងជាតារាចម្រៀង Hip-Hop ប្រចាំផលិតកម្ម YG មានឈ្មោះថា Kush ត្រូវបានជាប់ទោសពីបទជួញដូរថ្នាំញៀន។
តាមរបាយការណ៍របស់ប៉ូលិសបានឲ្យដឹងថា Kush បានទិញថ្នាំកូកាអ៊ីនចំនួន ១,៨ក្រាមពីមនុស្សម្នាក់តាមរយៈបណ្ដាញសង្គម។
តារាចម្រៀងរូបនេះបានទៅយកថ្នាំនេះតាមប្រអប់នៅប៉ុស្តិ៍ប្រៃសណីយ៍។ ពេលនោះប៉ូលិសទទួលបានព័ត៌មានសម្ងាត់ពីជនអនាមិក ហើយក៏ចេញប្រតិបត្តិការ ចាប់ឃាត់ខ្លួនតារាប្រុសរូបនេះតែម្ដង។ Kush បានទទួលស្គាល់ទោសកំហុស ព្រមទាំងសារភាពថា លោកពិតជាធ្លាប់បានប្រើប្រាស់ថ្នាំនេះដើម្បីបន្ធូរអារម្មណ៍តានតឹង។ លោកថែមទាំងទទួលស្គាល់ថាបានទិញថ្នាំទាំងនោះ២ដងរួចមកហើយ។
ទោះជាបានសារភាពហើយក្តីក៏ប៉ូលិស និងខាងផលិតកម្មរបស់លោក (ផលិតកម្មតូចរបស់ YG) នៅតែបន្តស៊ើបអង្កេតបន្ថែមទៀតលើករណីរបស់លោកនេះ៕