កីឡាករ១០នាក់របស់ Arsenal អាចដើរចេញ ក្រោយពីក្រុមលេងអន់ពេក
- 2017-12-16 02:09:13
- ចំនួនមតិ 0 | ចំនួនចែករំលែក 0
កីឡាករ១០នាក់របស់ Arsenal អាចដើរចេញ ក្រោយពីក្រុមលេងអន់ពេក
ចន្លោះមិនឃើញ
ទម្រង់លេងមិនល្អនៅរដូវកាលនេះ បានធ្វើឱ្យកីឡាកររបស់ក្រុម Arsenal ១០នាក់អាចនឹងពិចារណាមិនចុះកុងត្រាថ្មី ឬរកក្លឹបថ្មីតែម្ដងនៅរដូវក្ដៅខាងមុខ។
រដូវកាលនេះ ក្រុមកាំភ្លើងធំហាក់ដូចជាដាច់ឆ្ងាយមែនទែនហើយ ជាមួយក្រុមកំពូលតារាងលីគអង់គ្លេស ស្របពេលដែលខ្លួនកំពុងឈរនៅចំណាត់ថ្នាក់លេខ៧ក្នុងតារាងថែមទៀត។ ការនាំចូលកីឡាករថ្មី នារដូវក្ដៅកន្លងទៅ មិនអាចជួយក្រុមរបស់លោក Wenger បានច្រើនទាល់តែសោះ ដូច្នេះហើយ ក្លឹបមានគម្រោងនឹងរុះរើក្រុមនៅខែមករាខាងមុខ ឬអាចនឹងរដូវក្ដៅ។
មកដល់ពេលនេះ មានរបាយការណ៍ថាកីឡាករដល់ទៅ១០នាក់ឯណោះ អាចនឹងចាកចេញពីក្រុមមួយនេះ ដោយរួមទាំងតារាឆ្នើម Sanchez Welbeck Ramsey Giroud និង Ozil អីជាដើម។ ដូចដែលបានដឹង Ozil និង Sanchez ចង់ចាកចេញតាំងពីរដូវកាលមុនមកម្ល៉េះ ប៉ុន្តែការផ្ទេរមិនបានសម្រេច ទើបបន្ដលេងនៅ Arsenal ១រដូវកាលនេះទៀត។
Arsene Wenger និយាយចំពោះការចង់ចាកចេញរបស់កីឡាករទាំងអស់ថាវាមិនទាន់ប្រាកដនៅឡើយទេ ដូចដែលមានដំណឹងថា Man Utd ចង់បាន Ozil ដូច្នេះដែរ។ លោក រំពឹងថាពួកគេនឹងនៅលេងជាមួយក្រុមបន្ដទៀត ហើយផ្ដោតសំខាន់ទៅលើការប្រកួតសិន ជាជាងគិតរឿងក្លឹបថ្មី។ នៅម៉ោង១០យប់នេះ ក្រុម Arsenal នឹងត្រូវលេងទល់ក្រុម Newcastle United ក្នុងការប្រកួតសប្ដាហ៍ទី១៨របស់ពួកគេ៕