រថយន្តស្ព័រចេះហោះល្បឿនលឿនកប់ពពកដំបូងបង្អស់ ត្រៀមហោះលើមេឃឆ្នាំក្រោយ
- 2017-12-16 03:28:00
- ចំនួនមតិ 0 | ចំនួនចែករំលែក 0
រថយន្តស្ព័រចេះហោះល្បឿនលឿនកប់ពពកដំបូងបង្អស់ ត្រៀមហោះលើមេឃឆ្នាំក្រោយ
ចន្លោះមិនឃើញ
ក្រុមហ៊ុន Samson Motors បានចូលរួមការប្រកួតប្រជែងដើម្បីឱ្យមានរថយន្តចេះហោះដំបូងបង្អស់នៅលើមេឃ ជាមួយនឹងរថយន្តស្ព័រល្បឿន ៣២០ គីឡូម៉ែត្រក្នុងមួយម៉ោងដំបូងគេបង្អស់នៅលើពិភពលោក ដែលមានឈ្មោះថា Switchblade។
រថយន្តស្ព័រ Switchblade អាចបើកបរនៅកម្ពស់ជិត ៤ គីឡូម៉ែត្រ និងល្បឿនអតិបរមា ៣២០ គីឡូម៉ែត្រក្នុងមួយម៉ោង (km/h) និងត្រូវបានបំពាក់ជាមួយនឹងឆត្រយោងសុវត្ថិភាព។ ក្រុមហ៊ុន Samson Motors បានអះអាងថារថយន្តនេះនឹងត្រៀមដាក់លក់នៅនិទាឃរដូវឆ្នាំ ២០១៨ ជាមួយនឹងតម្លៃចាប់ផ្តើមពី ១២ ម៉ឺនផោន(១៦ ម៉ឺនដុល្លារ)។
រថយន្តស្ព័រ Switchblade គឺជារថយន្តមានកង់បី រចនាឡើងដោយក្រុមហ៊ុន Samson Motors ដែលមានមូលដ្ឋាននៅរដ្ឋអូរីហ្គិន សហរដ្ឋអាមេរិក។ រថយន្តនេះមានកៅអី ២ និងនៅពេលស្ថិតនៅលើដី គឺមានប្រវែង ៥,១ ម៉ែត្រ។ ប៉ុន្តែវាក៏មានស្លាបវែងនិងកន្ទុយដែលអាចដកចេញបាន ដោយធ្វើឱ្យវាមានប្រវែងសរុប ៦,២ ម៉ែត្រ ដែលមានន័យថា វាអាចប្រើបានទាំងនៅលើផ្លូវថ្នល់និងនៅលើមេឃ។
នៅលើដីល្បឿនកំពូលរបស់ Switchblade គឺ ១៦០ km/h ខណៈពេលនៅលើមេឃវាអាចមានល្បឿន ៣២០ km/h។ ខុសពីរថយន្តចេះហោះដទៃទៀត ដែលហោះនិងចុះចតបានក្នុងទម្រង់បញ្ឈរ រថយន្ត Switchblade នេះមិនអាចហោះចេញពីផ្លូវធម្មតាបានទេ គឺត្រូវហោះចេញពីព្រលានយន្តហោះធម្មតា។
អ្នកនាំពាក្យរបស់ក្រុមហ៊ុន Samson បាននិយាយថា “អ្នកអាចបើករថយន្ត Switchblade ទៅព្រលានយន្តហោះសាធារណៈណាមួយដើម្បីហោះហើរ និង ចុះចតនៅអាកាសយានដ្ឋានសាធារណៈណាមួយ ដែលអ្នកមានសិទ្ធិពិសេស”។
អំពីម៉ាស៊ីនវិញ រថយន្តស្ព័រ Switchblade ត្រូវបានបំពាក់ដោយម៉ាស៊ីន V4 ខ្នាត ១,៦ លីត្រ កម្លាំង ១៩០ សេះ ដែលអាចឱ្យវាបើកបរបានចម្ងាយ ៧២៤ គីឡូម៉ែត្រពីធុងប្រេងចំណុះ ១១៣ លីត្ររបស់វា៕