រកឃើញសាកសពសត្វ ស្រដៀងដាយណូស័រ ខណៈសាច់វានៅជាប់ឆ្អឹង គួរឲ្យភ្ញាក់ផ្អើល

2017-12-16 07:08:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរកឃើញសត្វដ៏អាថ៌កំបាំងមួយក្បាល ដែលមានរូបរាងដូចសត្វដាយណូស័រ ដោយសាច់របស់វានៅជាប់នឹងឆ្អឹង បានធ្វើឲ្យអ្នកវិទ្យាសាស្ត្រ មានការភ្ញាក់ផ្អើលយ៉ាងខ្លាំង។

សាកសពសត្វនេះត្រូវបានរកឃើញដោយ ជាងភ្លើងម្នាក់ ដែលកំពុងសម្អាតស្ថានីយរង ដែលត្រូវគេទុកចោលអស់ ៣៥ឆ្នាំមកហើយ នៅក្នុងទីក្រុងតូចមួយឈ្មោះ Jaspur នៃរដ្ឋ Uttarakhand ប្រទេសឥណ្ឌា។

ក្រុមអ្នកជំនាញនិយាយថា ទោះបីជាវាមើលទៅដូចសត្វដាយណូស័រតូចមួយក្បាលក៏ពិតមែន ប៉ុន្តែវាស្ទើរតែមិនអាចទៅរួច ដោយសារតែសត្វដាយណូស័រ បានផុតពូជអស់រយៈពេល ៦៥លានឆ្នាំមកហើយ។

លោកវេជ្ជបណ្ឌិត Parag Madhukar Dhakate អ្នកអភិរក្សនៅ Indian Forest Service បាននិយាយថា សត្វនេះនឹងនៅតែជាការភ្ញាក់ផ្អើលមួយ រហូតដល់ការវិភាគផ្នែកវិទ្យាសាស្ត្រ ត្រូវបានបញ្ចប់។ លោកវេជ្ជបណ្ឌិតរូបនេះឲ្យដឹងថា «វាមើលទៅដូចសត្វដាយណូស័រ ប៉ុន្តែយើងមិនអាចនិយាយអ្វីបានឡើយ រហូតដល់ការធ្វើតេស្តទាំងអស់បញ្ចប់»។

ជាមួយគ្នានេះដែរ លោក Aaryan Kumar ដែលកំពុងបន្តការសិក្សាថ្នាក់បណ្ឌិត ផ្នែកបាសាណិភូតវិទ្យា (Paleontology) មកពីសាកលវិទ្យាល័យ Delhi University បានប្រាប់ប្រព័ន្ធផ្សព្វផ្សាយក្នុងស្រុកថា វាមិនអាចទៅរួចទេ សម្រាប់គ្រោងឆ្អឹងដាយណូស័រ ដែលត្រូវបានថែរក្សាយ៉ាងល្អបែបនេះ បន្ទាប់ពីផុតពូជអស់ពេលជាយូរ៕

ចុចអាន៖

ប្រភព៖ Mirror ប្រែសម្រួល៖ សេង ឡុង