ឡុង សុភី៖ បើខ្ញុំអត់ឈឺជើងវិញ Fasurak បែបសន្លប់បាត់ហើយ

2017-12-18 03:00:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងមកពីក្លឹបសាលវ័ន្តកីឡា ឡុង សុភី ថាបើមិនឈឺជើងទេ ខ្លួនអាចនឹងវាយអ្នកប្រដាល់ល្បីឈ្មោះរបស់ថៃ Fasurak សន្លប់បាន ក្នុងការប្រកួតមិត្តភាពកាលពីម្សិលមិញនេះ។

កីឡាករ ឡុង សុភី

ឡុង សុភី បានឲ្យដឹងថា សម្រាប់ ៣ប្រកួត កន្លងមកនេះរូបគេមិនដែលបានរត់យកកម្លាំងស៊ុហ្វនោះទេ ព្រោះឈឺប្រអប់ជើងស្ដាំតាំងពីប្រកួតជើងឯកថ្នាក់ជាតិជាមួយ ឡៅ ចន្រ្ទា មកម្ល៉េះ។ បើនិយាយពីការប៉ះគ្នាជាអ្នកប្រដាល់ថៃ Fasurak មិនជាពិបាកឡើយ ដោយសារឃើញពីចំណុចខ្សោយរបស់ថៃម្នាក់នេះច្រើនអំឡុងពេលប្រកួតម្សិលមិញ។

កីឡាករថៃ Fasurak

ឡុង សុភី ក្រហម

អ្នកលេងជង្គង់ខាងលើបន្តថា ប្រសិនបើរូបគេបានរត់ខ្លះហើយមានស៊ុហ្វជាងនេះបន្តិច នោះសម្រុកខ្លាំងថែមទៀតថៃម្នាក់នេះនឹងសន្លប់ហើយ។ Fasurak មានចំណុចល្អមួយសមជាអ្នកប្រដាល់ជើងចាស់ដែលមានបទពិសោធច្រើន នោះគឺគេចេះធាក់កាត់បានលឿន អាចនិយាយថាគេវ៉ៃឆ្លាតការពារមិនឲ្យសន្លប់បាន។

ឡុង សុភី ពេលឈ្នះ Fasurak

ឡុង សុភី មួយរយៈពេលចុងក្រោយនេះឡើងកូដខ្លាំងមែនទែនលទ្ធផលល្អស្ទើរតែមិនចាញ់ទាល់តែសោះ។ ម្សិលមិញនេះអ្នកប្រដាល់កម្ពុជារូបនេះឈ្នះជើងខ្លាំង Fasurak ដោយពិន្ទុផងដែរនៅសង្វៀនអាស៊ីអាគ្នេយ៍៕

អត្ថបទ៖ នួន ស៊ីណា