អាមេរិក​ធ្លាប់​ជះ​លុយ​ជាង​ ២០ ​លាន​ដុល្លារ​ តាម​ចាប់​ថាសហោះ​ UFO ​ដោយ​សម្ងាត់​

  • 2017-12-18 12:16:58
  • ចំនួនមតិ 0 | ចំនួនចែករំលែក 0

ចន្លោះមិនឃើញ

មន្ទី​បញ្ចកោណ​អាមេរិក​បាន​ចំណាយ​លុយ​ ២២ ​លាន​ដុល្លារ​ដើម្បី​សិក្សា​ស្រាវជ្រាវ​ក្នុង​កម្មវិធី​ថាស​ហោះ​ Undefined Flying Objects (UFOs) ​នៅ​ឆ្នាំ​ ២០០៧-២០១២ ​ដែល​ត្រូវ​បាន​បញ្ជាក់​ដោយ​ក្រសួង​ការពារ​ជាតិ​អាមេរិក​ហើយ​អតីត​មន្ត្រី​ទទួល​បន្ទុក​កម្មវិធី​នោះ​ប្រាប់​ប្រព័ន្ធ​ផ្សព្វផ្សាយ​ថា​ កម្មវិធី​នេះ​នៅ​តែ​បន្ត​មក​ដល់​សព្វ​ថ្ងៃ​ ។

កម្មវិធី​សម្ងាត់​ដែល​ក្រសួង​ការពារ​ជាតិ​អាមេរិក​ព្យាយាម​បិទ​បាំង​បាន​បង្ហាញ​ជា​សារធារណៈ​ក្នុង​សេចក្តីរាយការណ៍​តំណាល​គ្នា​ដោយ​កាសែត​ Politico ​និង​កាសែត​ New York Times (NYT) ​កាល​ពី​ថ្ងៃ​សៅរ៍​ដោយ​ដក​ស្រង់​បទ​សម្ភាសន៍​ជាមួយ​ភាគី​ពាក់ព័ន្ធ​នឹង​កម្មវិធី​ព្រម​ទាំង​កិច្ច​សន្យា​ បញ្ចកោណ​និង​ឯកសារ​របស់​សភា​ផង​ដែរ​ ។ កម្មវិធី​ស្វែង​រក​ការ​គំរាម​កំហែង​ផ្នែក​អាកាសចរណ៍​កម្រិត​ខ្ពស់​ ឬ​ The Advanced Aviation Threat Identification Program ​ត្រូវ​បាន​ដឹក​នាំ​ដោយ​អតីត​មន្ត្រី​យោធា​ជាន់​ខ្ពស់​លោក​ Luiz Elizondo ​ដែល​បាន​លាលែង​ពី​តំណេង​កាល​ពី​ថ្ងៃ​ទី​ ០៤ ​តុលា​ហើយ​ក្នុង​លិខិត​លាលែង​របស់​លោក​បញ្ជូន​ទៅ​រដ្ឋមន្ត្រី​ក្រសួង​ការពារ​ជាតិ​ James Mattis ​ត្រូវ​បាន​មើល​ឃើញ​ដោយ​ Politico ​និង​ NYT ។

អត្តន័យ​ក្នុង​លិខិត​នោះ​មាន​ខ្លឹម​សារ​ថា​ រូប​គាត់​សោកស្តាយ​អំពី​កង្វះ​ខាត​ថវិកា​សម្រាប់​ទ្រទ្រង់​គម្រោង​នេះ​តែ​ការ​ពិត​វា​នៅ​តែ​បន្ត​លាក់​ខ្លួន​នៅ​ក្នុង​ទី​អាថ៌កំបាំង​ដែល​នៅ​ឆ្ងាយ​ពី​ភ្នែក​សាធារណៈ​ជន​ទាំងឡាយ​ ។ ស្ត្រី​អ្នក​នាំ​ពាក្យ​របស់​មន្ទី​បញ្ច​កោណ​លោ​ស្រី​ Dana White ​ដង​ស្រង់​ដោយ​ Politico ​បញ្ជាក់​ថា​ កម្មវិធី​ប្រមាញ់​ UFOs ​បន្ត​រហូត​ដល់​ឆ្នាំ​ ២០១២ ​នៅ​ពេល​វា​ត្រូវ​បាន​លាក់​យ៉ាង​ជិត​បំផុត​ក្រោម​ឈ្មោះ​ there were other, higher priority issues that merited funding ​ឬ​មាន​បញ្ហា​ធំ​ដុំ​មួយ​ផ្សេង​ទៀត​ដែល​ផ្តល់​មូល​និធិ​ហើយ​វា​បាន​ស្ថិត​ក្នុង​ការ​ចាប់​អារម្មណ៍​របស់​មន្ទី​បញ្ចកោណ​ដើម្បី​ប្តូរ​ទិសដៅ​មូល​និធិ​ ។

យោងតាម​កិច្ច​សន្យា​ជា​លាយ​ល័ក្ខ​អក្សរ​ថា​ ចាប់​តាំង​ពី​ឆ្នាំ​ ២០០៨ ​រហូត​ដល់​ឆ្នាំ​ ២០១១ ​ក្រុមហ៊ុន​អាកាស​ចរណ៍​ Bigelow ​បាន​ចំណាយ​លុយ​ជិត​ ២២ ​លាន​ដុល្លារ​សម្រាប់​សភា​ក្នុង​គោល​បំណង​ពង្រីក​ការ​ស្រាវជ្រាវ​យ៉ាង​ទូលំ​ទូលាយ​ និង​វាយ​តម្លៃ​ការ​គំរាម​កំហែង​ពី​ថាស​ហោះ​ ។ ជាក់ស្តែង​ដូចជា​ឆ្នាំ​ ២០០៤ ​មាន​ឧប្បត្តិ​ហេតុ​លើ​ក្រុង​ San Diego ​រួម​មាន​យុទ្ធហោះ​ប្រយុទ្ធ​ F/A-18F ​ពីរ​គ្រឿង​និង​វត្ថុ​ហោះ​ពណ៌​ស​ដែល​មិន​ស្គាល់​អត្ត​សញ្ញាណ ។ វត្ថុ​ហោះ​នោះ​គ្មាន​ស្លាប​ គ្មាន​ចំហាយ​ផ្សែង​ចេញ​ពី​ម៉ាស៊ីន​ ។ វា​មាន​ពណ៌​ស​ប្រវែង​បណ្តោយ​​ ១២ ម៉ែត្រ​និង​កម្រាស់​ជាង​ ៣ ម៉ែត្រ ៕

ប្រភព៖ RT   ប្រែ​សម្រួល៖ សិរីបុទ្រ

អត្ថបទពេញនិយម