ដំណឹងល្អ សម្ដេច ហ៊ុន សែន ផ្ដល់ភ្លើងខៀវ ដោយមិនចាំបាច់តម្កល់ប្រាក់ ចំពោះការសុំបើកគ្រឹះស្ថានឧត្តមសិក្សាឯកជន
- 2017-12-18 13:00:53
- ចំនួនមតិ 0 | ចំនួនចែករំលែក 0
ដំណឹងល្អ សម្ដេច ហ៊ុន សែន ផ្ដល់ភ្លើងខៀវ ដោយមិនចាំបាច់តម្កល់ប្រាក់ ចំពោះការសុំបើកគ្រឹះស្ថានឧត្តមសិក្សាឯកជន
ចន្លោះមិនឃើញ
នៅព្រឹកថ្ងៃទី១៨ ខែធ្នូ ឆ្នាំ២០១៧ នេះ នៅវិមានសន្តិភាព សម្តេចនាយករដ្ឋមន្រ្តី ហ៊ុន សែន បានយល់ព្រមទៅលើការសុំបើកគ្រឹះស្ថានឧត្តមសិក្សាឯកជន ដោយមិនឲ្យមានការតម្កល់ប្រាក់ទៀតទេ។ សម្ដេចនាយករដ្ឋមន្ត្រី ថ្លែងដូច្នេះ នៅក្នុងជំនួបជាមួយថ្នាក់ដឹកនាំសមាគមគ្រឹះស្ថានឧត្តមសិក្សាឯកជនកម្ពុជា ដែលមានសមាជិក ៩២នាក់ មកពី ៩៣គ្រឹះស្ថាន កាលពីព្រឹកមិញ។
នៅក្នុងជំនួបនេះ សមាគមគ្រឹះស្ថានឧត្តមសិក្សាកម្ពុជា បានស្នើសុំសម្តេច ហ៊ុន សែន ជួយសម្រួលកុំឲ្យមានការតម្កល់ប្រាក់ក្នុងការសុំបើកគ្រឹះស្ថានឧត្តមសិក្សាឯកជន។ ជាការឆ្លើយតប សម្តេច បានផ្ដល់ភ្លើងខៀវចំពោះសំណើនេះ ប៉ុន្តែមន្ត្រីគណៈគ្រប់គ្រងគ្រឹះស្ថាននីមួយៗ គឺត្រូវទទួលខុសត្រូវទាំងស្រុង ប្រសិនបើមានបញ្ហាអ្វីប៉ះពាល់ដល់ថវិកាដែលនិស្សិតបានបង់សម្រាប់ចូលរៀនហើយ៕