រូបភាពទីតាំងកើតហេតុប្រទះឃើញ Jonghyun ស្លាប់ ត្រូវបានបង្ហាញហើយ

2017-12-19 02:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មរណភាពរបស់តារាចម្រៀងដ៏មានប្រជាប្រិយ Jonghyun សមាជិកក្រុម SHINee បានធ្វើឲ្យពិភពលោកមានការសោកស្ដាយ ក្រៀមក្រំជាខ្លាំង ព្រមទាំងចង់ជ្រាបកាន់តែច្បាស់ពីដំណឹងផ្សេងៗទាក់ទងនឹងស្លាប់របស់តារាប្រុសរូបនេះថែមទៀតផង។

ជាក់ស្ដែងម្សិលមិញនេះដែរ វិបសាយ Dispatch និងបណ្ដាញសារព័ត៌មានផ្សេងទៀតបានបង្ហាញអគារស្នាក់នៅ ដែលគេបានប្រទះឃើញសាកសពរបស់ Jonghyun។ រូបភាពទាំងនោះ គ្រាន់តែជារូបភាពនៃទិដ្ឋភាពខាងក្រៅប៉ុណ្ណោះ ចំណែកឯរូបភាពខាងក្នុងវិញ មិនទាន់ត្រូវបានអនុញ្ញាតឲ្យបង្ហាញឡើយ ដោយសារពេលនេះខាងក្រុមប៉ូលិសកំពុងធ្វើការស៊ើបអង្កេតយ៉ាងយកចិត្តទុកដាក់ជាបន្ត។

មួយវិញទៀត សម្រាប់អគារស្នាក់នៅនេះ មិនមែនជាកម្មសិទ្ធិរបស់ តារាប្រុសក្រុម SHINee រូបនេះទេ។ ផ្ទុយមកវិញ លោកទើបតែជួលថ្ងៃកើតហេតុតែម្ដង ពោលគឺនៅថ្ងៃទី ១៨ ខែធ្នូ ឆ្នាំ ២០១៧ វេលាម៉ោង ១២:៣០នាទីរសៀល។ នៅម៉ោង ៤:៣០នាទី លោកបានផ្ញើសារទៅបងស្រីរបស់លោក ហើយម៉ោង ៦:៣០នាទីល្ងាច គេក៏បានប្រទះឃើញថា Jonghyun បាត់បង់ជីវិតតែម្ដង៕