Zidane និង Valverde រៀបកីឡាករណាខ្លះសម្រាប់ប្រកួត Clasico?

2017-12-20 03:10:23
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃសៅរ៍នេះ ស្ដេចស Real Madrid នឹងត្រៀមស្វាគមន៍ក្រុមខ្លាំង Barcelona នៅ La Liga វេលាម៉ោង៧យប់ ដែលជាការប្រកួតដ៏កក្រើកក្នុងវិស័យបាល់ទាត់ក្នុងពិភពលោក។ មុនការប្រកួតមកដល់កាសែតអេស្ប៉ាញ Barca បានវិភាគទម្រង់លេង និងជម្រើសកីឡាករទាំងសងខាង ដែលអាចបង្ហាញខ្លួននៅចុងសប្ដាហ៍នេះ។

តាមការវិភាគ Zinedine Zidane នឹងដាក់ឈុតកីឡាករដែលលើកពាន Champions League នៅទីក្រុង Cardiff និង Club World Cup កាលពីពេលថ្មីៗ ដោយលេងទម្រង់ ៤-៤-២។ Isco នឹងចាប់ផ្ដើមលេងជម្រើសដំបូង ខណៈ Gareth Bale ត្រូវអង្គុយកៅអីបម្រុងសិន ដោយសារទើបជាពីរបួស។

Bale ត្បិតតែទើបត្រលប់មកវិញទម្រង់លេងមិនទាន់ពេញលេញ ប៉ុន្តែគេជាកីឡាករជំនួសដ៏សំខាន់។ ជាក់ស្ដែងគេបានបង្ហាញបច្ចេកទេសលេងគួរឲ្យចាប់អារម្មណ៍ ពេលប្ដូរចូលលេងនៅ Club World Cup។ សម្រាប់បង្ហាញរបួសពេលនេះមិនចោទជាបញ្ហាទេ ចំពោះ Zidane ព្រោះកីឡាករសុទ្ធតែពេញជើង១០០%។

ងាកទៅ Barcelona វិញ ខ្សែការពារUmtiti កំពុងជាប់បញ្ហារបួស សំនួរចោទថា តើនរណានឹងចាប់ដៃគូជាមួយ Gerard Pique? ត្បិត Javier Mascherano បានត្រលប់ពីរបួស តែ Marcaវិភាគថា Barcelona នឹងដាក់ Vermaelen ដែលជាជម្រើសល្អបំផុត ស្របពេលការពារឆ្វេងស្ដាំមាន Alba និង Semedo។

Paulinho ត្រូវសហការជាមួយខ្សែបម្រើ៣អ្នកផ្សេងទៀតមានដូចជា Iniesta, Busquets និង Rakitic ដើម្បីគាំទ្រខ្សែប្រយុទ្ធទាំងពីរ Messi និង Suarez។ ប្រព័ន្ធលេងរបស់ក្លឹបនៅតំបន់ Catalan ក៏មិនខុសពី Madrid ដែរគឺ ៤-៤-២៕

ចុចអាន៖

ប្រភព៖ Marca ប្រែសម្រួល៖ ហេង សុធារិទ្ធិ