Atletico ប្ដឹង Barcelona រឿងលួចទាក់ទង Griezmann
- 2017-12-20 03:40:28
- ចំនួនមតិ 0 | ចំនួនចែករំលែក 0
Atletico ប្ដឹង Barcelona រឿងលួចទាក់ទង Griezmann
ចន្លោះមិនឃើញ
Atletico Madrid បានប្ដឹងទៅសហព័ន្ធបាល់ទាត់ពិភពលោក FIFA ពីរឿង Barcelona លួចទាក់ទងកីឡាករ Antoine Griezmann។
តារាឆ្នើមវ័យ២៦ឆ្នាំទើបបន្តកុងត្រាថ្មីកាលពីដើមឆ្នាំធ្វើឲ្យរូបគេនឹងស្នាក់នៅជាមួយ Atletico ដល់ចប់រដូវកាល ២០២១-២២។ យ៉ាងណាក៏ដោយក្លឹបមានមូលដ្ឋាននៅទីក្រុងម៉ាឌ្រីដបានឆេះដុំនឹងគូប្រជែង Barca ដែលលួចទាក់ទង Griezmann។
Atletico បានហៅសកម្មភាពខាងលើថាបានធ្វើខុសនឹងច្បាប់របស់ FIFA ព្រោះការទាក់ទងនោះគ្មានការអនុញ្ញាតពីខ្លួន។ ដោយឡែក Barca វិញទទួលស្គាល់ថាពិតជាបានទាក់ទងមែន ក្លឹបទាក់ទងសមាជិកគ្រួសារ Griezmann ប៉ុណ្ណោះមិនមែនសាមីកីឡាករឡើយ។
ច្បាប់មួយរបស់ FIFA បានចែងថា ក្លឹបណាដែលចង់ទិញកីឡាករត្រូវទាក់ទងទៅក្លឹបជាអាណាព្យាបាលជាមុនសិនមុនពេលជួបចរចាទៅសាមីខ្លួន៕