លិញ ភារម្យ ឈ្នះ កូយ ឡាយ ទាំងគ្មានទំនុកចិត្ត

2018-08-27 09:16:53
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ លិញ ភារម្យ ឈ្នះជើងខ្លាំង កូយ ឡាយ ទាំងប្រផុតប្រផើយបំផុត បន្តដំណើរទៅជុំទី៣ទៀត នៃពានរង្វាន់ TV5 កាលពីថ្ងៃសៅរ៍ ទី២៥ ខែសីហា ឆ្នាំ២០១៨។

កីឡាករ លិញ ភារម្យ

លិញ ភារម្យ ប្រាប់ឲ្យដឹងថា ប៉ះជាមួយ កូយ ឡាយ លើកទី២នេះ មានអារម្មណ៍ភ័យ និងប្រកួតទាំងមិនសូវមានទំនុកចិត្តនោះឡើយ ព្រោះអីប៉ះគេខ្លាំង ហើយនៅក្លឹបធំ(ឆត្រយោង ៩១១)ទៀតផង។ ក្រៅពីនេះក៏ធ្លាប់ដឹងពីសមត្ថភាពដៃគូគេក៏ល្អថែមទៀត។

កីឡាករ កូយ ឡាយ

កូនសិស្សលោក នួន ភារម្យ ខាងលើនេះបន្ថែមថា ដោយសារតែវ៉ៃតាមគ្រូប្រាប់ ដូច្នេះក៏អាចទទួលបានជ័យជម្នះនាជំនួបមួយនេះតែម្ដង។ «វ៉ៃកុំកំរោល ត្រូវវ៉ៃប្រើខួរក្បាល»សម្ដី នួន ភារម្យ ពេលប្រាប់សិស្ស។ កីឡាករល្អដៃរូបនេះក៏វ៉ៃទៅតាមបច្ចេកទេសមួយៗ និងប្រើតិចនិកផ្ទាល់ខ្លួនដូចជាអោបរុញឲ្យដួលជាដើម និងវ៉ៃសងពេញៗរហូតបានឈ្នះពិន្ទុ។

លិញ ភារម្យ(ខៀវ)

លិញ ភារម្យ ជាកូនសិស្សលោក នួន ភារម្យ និងជាបេក្ខភាពម្នាក់ទៀតហើយ ដែលបានឡើងទៅជុំទី៣(៨នាក់) បន្ទាប់ពីឈ្នះពិន្ទុលើកីឡាករ កូយ ឡាយ កាលពីថ្ងៃសៅរ៍ សប្ដាហ៍មុននេះនៅសង្វៀន TV5៕

អត្ថបទ៖ នួន ស៊ីណា