ផាត់ សូដា ចង់ឈ្នះក្នុងកម្មវិធី One ព្រោះបានលុយច្រើនបន្តិចធ្វើសង្ឃទានជូនឪពុក
- 2018-09-07 02:50:06
- ចំនួនមតិ 0 | ចំនួនចែករំលែក 0
ផាត់ សូដា ចង់ឈ្នះក្នុងកម្មវិធី One ព្រោះបានលុយច្រើនបន្តិចធ្វើសង្ឃទានជូនឪពុក
ចន្លោះមិនឃើញ
អ្នកលេងគុនខ្មែរ ផាត់ សូដា សម្រាប់ការប្រកួតនៅថ្ងៃស្អែកនេះ គឺត្រៀមបានល្អជាងមុនៗទៅទៀត ហើយប្ដេជ្ញាខំប្រឹងប្រកួតឲ្យខ្លាំងបំផុត ដើម្បីយកជ័យជម្នះអាចទទួលបានលុយច្រើនបន្តិច ព្រោះចង់ធ្វើសង្ឃទានជូនឪពុកចាស់ និងកំពុងឈឺធ្ងន់។
ផាត់ សូដា បានឲ្យដឹងពីប្រទេសចិនថា ការប្រកួតលើកទី៣នេះ មានសង្ឃឹមច្រើនដែរ ថាអាចរកជ័យជម្នះបាន ព្រោះអីត្រៀមខ្លួនបានល្អ ទាំងការហ្វឹកហាត់ក៏បានយូរ ទាំងការថែរក្សាទម្ងន់ក៏មិនចោទជាបញ្ហា។
កូនសិស្សលោកគ្រូ ហ៊ុន ច័ន្ទរាជ្យ រូបនេះប្រាប់ទៀតថា ជំនួបមិត្តភាពអន្តរជាតិនៅប្រទេសចិនលើកនេះ វាពិតជាសំខាន់ណាស់សម្រាប់ខ្លួន ព្រោះអីភ្លាត់ចាញ់ពីរលើកជាប់ៗគ្នារួចហើយ។ ចំណែករឿងមួយនេះទៀតនោះ គឺចង់ឈ្នះខ្លាំងតែម្ដង អាចទទួលបានតម្លៃខ្លួន២០០០ដុល្លារ ដើម្បីយកទៅធ្វើសង្ឃទានជូនឪពុកដែលកំពុងឈឺធ្ងន់ ដល់ដំណាក់កាលចុងក្រោយទៅហើយ។ ដូច្នេះបើឈ្នះទៅមានលុយច្រើនបន្តិច ដើម្បីសម្រួលបញ្ហាទាំងនេះ។
បញ្ជាក់ផងដែរថា អ្នកលេងគុនខ្មែរ ផាត់ សូដា ធ្លាប់ប្រកួត One Championship ពីរដងរួចមកហើយ ពោលគឺចាញ់ទាំងពីរលើក។ នៅថ្ងៃសៅរ៍ស្អែកនេះ អ្នកប្រដាល់រូបនេះ នឹងត្រូវប្រកួតជាលើកទី៣ តតាំងជាមួយកីឡាករឥណ្ឌូណេស៊ី ឈ្មោះ Elipitua Siregar នៅឯទីក្រុងសៀងហៃ ប្រទេសចិន ក្នុងកម្មវិធីខាងលើនេះ៕