ម៉ឺន មេឃា ចង់ល្បីដូចឪពុកណាស់ ព្រោះទៅណាក៏គេស្គាល់ដែរ
- 2018-09-06 07:22:50
- ចំនួនមតិ 0 | ចំនួនចែករំលែក 0
ម៉ឺន មេឃា ចង់ល្បីដូចឪពុកណាស់ ព្រោះទៅណាក៏គេស្គាល់ដែរ
ចន្លោះមិនឃើញ
អ្នកប្រដាល់វ័យ១៧ឆ្នាំ ម៉ឺន មេឃា បើនិយាយពីចង់ល្បីដូចឪពុកវិញ គឺចង់ខ្លាំងណាស់ ព្រោះអីទៅណាក៏គេស្គាល់ ប៉ុន្តែមិនដឹងថាបានដូចឬទេនៅពេលខាងមុខ ទោះយ៉ាងណាក៏នឹងខំប្រឹងឲ្យអស់ពីសមត្ថភាព។
ម៉ឺន មេឃា ដែលជាកូនប្រុសរបស់គ្រូ អេ ភូថង បានឲ្យដឹងថា បើនិយាយពីរឿងកេរ្តិ៍ឈ្មោះឪពុកវិញ គឺល្បីណាស់ ហើយរូបគេពិតជាចង់មានឈ្មោះដូចទៅនិងឪពុកអញ្ចឹងដែរ ប៉ុន្តែមិនដឹងថាដូចអាចខ្លាំង និងល្បីដូចឬអត់នោះទេ។ យ៉ាងណាមិញ គេនឹងខំប្រឹងប្រែងហ្វឹកហាត់បន្តទៀត លើវិស័យមួយនេះ ដើម្បីស្វែងរកភាពជោគជ័យ។
អ្នកប្រដាល់ជម្រើសជាតិថ្នាលសកលខាងលើបន្ថែមថា ឥលូវនេះមិនទាត់ដឹងថាខ្លួនឯងមានស្នៀតខ្លាំងណាមួយ ឬឲ្យច្បាស់ដូចឪពុកនៅឡើយទេ ប៉ុន្តែធ្លាប់ឮម្ដាយសរសើរថាស្នៀតទាត់គឺដូចគ្នា តែនៅស្រាល។ អ្នកលេងគុនខ្មែរវ័យក្មេងខាងលើ ប្រាប់ពីចំណុចខ្វះខាតរបស់ខ្លួនដែរថា គួរត្រូវពង្រឹងស្នៀតចាប់ឡាំជង្គង់ឲ្យបានច្រើនជាងនេះ ព្រោះនៅខ្សោយ។
ម៉ឺន មេឃា ជាកូនប្រុសរបស់លោកគ្រូ អេ ភូថង ហើយបច្ចុប្បន្ននេះជាកីឡាករជម្រើសជាតិថ្នាលប្រដាល់សកលទៀតផង។ មួយរយៈពេលចុងក្រោយនេះ គេមើលឃើញថា អ្នកប្រដាល់វ័យក្មេងរូបនេះមានប្រកួតស្ទើរគ្រប់សង្វៀន និងទទួលបានជ័យជម្នះរហូតផងដែរ។ អ្នកស្នងគុនខ្មែររូបនេះ កំពុងលេងពានរង្វាន់ TV5 និងបានឡើងដល់ជុំទី៣(៨នាក់)ចុងក្រោយទៀតផង៕