រកគ្រាប់បាល់បាន Giroud ថា សប្បាយពេញទំហឹង ក្រោយនៅ WC រកគ្មានបាន១គ្រាប់
- 2018-09-10 02:26:41
- ចំនួនមតិ 0 | ចំនួនចែករំលែក 0
រកគ្រាប់បាល់បាន Giroud ថា សប្បាយពេញទំហឹង ក្រោយនៅ WC រកគ្មានបាន១គ្រាប់
ចន្លោះមិនឃើញ
ខ្សែប្រយុទ្ធទាំងពីរ Kylian Mbappe និង Olivier Giroud បានក្លាយជាតួឯកជួយបារាំងឈ្នះហូឡង់ ២ទល់នឹង១ សម្រាប់ប្រកួតទីពីររបស់ពួកគេនៅពាន Nations League។
នេះជាជ័យជម្នះដំបូងរបស់បារាំងចាប់តាំងពីឈ្នះពាន World Cup នៅប្រទេសរុស្សី ខណៈការប្រកួតទីមួយនៅ Nations League របស់ពួកគេស្មើជាមួយអាល្លឺម៉ង់ ០-០។ គ្រប់គ្នាចាំបានថាគ្រាព្រឹត្តិការណ៍ World Cup ២០១៨ ខ្សែប្រយុទ្ធ Olivier Giroud រកមិនបានមួយគ្រាប់សោះឲ្យបារាំង ក្នុងការលេង៧ប្រកួត។
យ៉ាងណាមិញ កីឡាកររបស់ Chelsea បានស្ដារមុខមាត់បានវិញ ក្នុងការប្រកួតយប់មិញ ដោយគេទាត់បញ្ចូលទីគ្រាប់ទីពីរឲ្យបារាំងយកឈ្នះហូឡង់។ ចប់ការប្រកួតនេះ Giroud និយាយថា គេរីករាយខ្លាំង ជាពិសេសបានឃើញអ្នកគាំទ្រអបអរពេលដែលគេទាត់ចូល។ កម្លាំងចិត្តនេះធ្វើឲ្យគេចង់ប្រកួតឲ្យបារាំងជារៀងរហូត៕