លិញ ភារម្យ ប្រាប់គន្លឹះអាចឈ្នះ ពុទ្ធ សំបូរ ឡើងទៅវគ្គពាក់កណ្ដាលផ្ដាច់ព្រ័ត្រ

2018-09-19 01:46:37
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្អកណ្ដាប់ដៃ លិញ ភារម្យ ថាប៉ះជាមួយជើងខ្លាំង ពុទ្ធ សំបូរ ពិបាកវ៉ៃ ខណៈដៃគូមានមាឌធំ ហើយកាយសម្បទាវែងទៀតផង ប៉ុន្តែដោយសារប្ដូរវិធីវ៉ៃ គឺនៅចាំត្រងវិញទើបអាចឈ្នះបែបនេះ បានឱកាសឡើងទៅដល់វគ្គពាក់កណ្ដាលផ្ដាច់ព្រ័ត្រ។

លិញ ភារម្យ(ខៀវ)

លិញ ភារម្យ បានលើកឡើងថា ពុទ្ធ សំបូរ គេល្អ មិនត្រឹមប៉ុណ្ណេះទេថែមខ្ពស់ថែមទៀតផង ធ្វើឲ្យខ្លួនពិបាកក្នុងការប្រកួតមួយនេះណាស់។ ប៉ុន្តែក៏ចិត្តខំប្រឹងប្រកួតចង់ឈ្នះឈានទៅវគ្គសំខាន់ទៀតនោះ រួមផ្សំនិងការឈរប្រាប់ពីលោកគ្រូ នួន ភារម្យ ទើបអាចឈ្នះ។ វិធីតែមួយគត់នោះ ឈ្នះនេះគឺថយចាំវ៉ៃត្រងនៅពេលដែលដៃគូចេញស្នៀតមកម្ដងៗ។

លិញ ភារម្យ(ខៀវ)

អ្នកប្រដាល់មកពីខេត្តកំពតរូបនេះបន្ថែមថា ពិតជាអរគុណខ្លាំងណាស់ទៅដល់លោកគ្រូ នួន ភារម្យ ដែលបានបង្ហាត់បង្រៀនប្រដាល់ដល់រូបគេ និងបានផ្ដល់ឱកាសឲ្យចូលរួមប្រកួតប្រជែងពានរង្វាន់ TV5 ទម្ងន់៦០គីឡូក្រាមនេះ។

លិញ ភារម្យ(ខៀវ)

លន បញ្ញា

លិញ ភារម្យ បានឡើងទៅវគ្គពាក់កណ្ដាលផ្ដាច់ព្រ័ត្រហើយកាលពីថ្ងៃសៅរ៍ ទី១៥ ខែកញ្ញា ឆ្នាំ២០១៨ កន្លងទៅនេះ បន្ទាប់ពីយកឈ្នះកីឡាករ ពុទ្ធ សំបូរ យ៉ាងប្រផឹតប្រផើយបំផុត។ ភារម្យ នឹងត្រូវប៉ះ លន បញ្ញា នៅវគ្គពាក់កណ្ដាលផ្ដាច់ព្រ័ត្រសង្វៀនប៉ុស្តិ៍លេខ៥ ប៉ុន្មានសប្ដាហ៍ខាងមុខ៕

អត្ថបទ៖ នួន ស៊ីណា