ប្លែកមែន! ណាខុន និង ឌុច លីដា តាមគ្នាស្អិតដូចគូស្នេហ៍កំលោះក្រមុំទើបចាប់ផ្ដើមគ្រាដំបូង

2018-09-20 03:45:13
ចំនួនមតិ 0 | ចំនួនចែករំលែក 0

ចន្លោះមិនឃើញ

មួយរយៈចុងក្រោយនេះមានពាក្យចចាមអារ៉ាមមួយចំនួនបានផ្សព្វផ្សាយថាតារាសម្ដែង ឌុច លីដា និង ណាខុន កំពុងតែលួចបង្កាត់ភ្លើងស្នេហ៍ក្រៅឆាកក្រោយអ្នកទាំងពីរបានប៉ះគ្នាលើដំបូងក្នុងខ្សែភាពយន្តភាគរឿង "ម្ចាស់ចម្ការ"។

ជុំវិញការលើកឡើងដូច្នេះដោយសារតែមួយរយៈចុងក្រោយនេះគេឧស្សាហ៍ឃើញអ្នកទាំងពីរដឹកដៃគ្នាទៅចូលរួមកម្មវិធីតូចធំដូចគូស្នេហ៍កំលោះក្រមុំ ទើបផ្ដើមស្នេហ៍គ្រាដំបូងដែលមិនអាចខ្វះគ្នាបាន។សមដូចពាក្យចាស់លោកពោលថា៖"ទីណាមានទឹកទីនោះមានត្រី ទីណាមាន ណាខុន ទីនោះមាន ឌុច លីដា"។

ដើម្បីស្រាយមន្ទិលនូវពាក្យចចាមអារ៉ាមទាំងនេះ ឌុច លីដា ទទួលស្គាល់ថា អំឡុងពេលនេះនាង និង ណាខុន ពិតជាមានទំនាក់ទំនងពិសេសមែន តែមិនមែនក្នុងន័យស្នេហាទេ។មូលហេតុអ្នកទាំងពីរឧស្សាហ៍ទៅណាមកណាជាមួយគ្នាដោយសារតែ ធ្វើតាមសំណូមពរហ្វេនៗដែលចង់ឲ្យពួកគេទាំងពីរក្លាយជាគូស្នេហ៍ពិតប្រាកដ មួយវិញទៀតតម្រូវចិត្តម្ចាស់កម្មវិធី។

រីឯណា ណាខុន វិញបានអះអាងថា ខណៈពេលនេះទំនាក់ទំនងលោក ជាមួយ ឌុច លីដា ក្នុងនាមជាមិត្តភ័ក្ដិរួមការងារជាមួយគ្នា ឲ្យទៅជាលក្ខណៈស្នេហាស្រី និងប្រុសគឺមិនអាចទេ។ តែប្រសិនបើថ្ងៃណាមួយអ្នកទាំងពីរមានស្នេហាជាមួយគ្នាពិតមែននោះគ្មានអ្វីត្រូវលាក់បាំងឡើយ នឹងប្រកាសប្រាប់អ្នកគាំទ្រឲ្យបានដឹង។

ទោះបីជាសាមីខ្លួនទាំងពីរបដិសេធថា ទំនាក់ទំនងកន្លងមកមិនមែនជាស្នេហាក្ដីក៏មជ្ឈដ្ឋានទូទៅនៅតែគិតថាពួកគេពិតជាមានទំនាក់ទំនងពិសេសលើសពីមិត្ត ព្រោះគ្មានអ្នកណាបណ្ដើរគ្នាដូចគូស្នេហ៍នោះទេបើមិនស្រឡាញ់គ្នា៕