វាយគ្នាផ្អើល UFC ថ្ងៃមុន McGregor និង Khabib បានថ្លៃខ្លួនប៉ុន្មាន?

2018-10-11 03:54:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាកររុស្សី Khabib Nurmagomedov នៅតែអាចការពារខ្សែក្រវាត់ប្រភេទទម្ងន់ Lightweight បន្ទាប់ពីបញ្ចប់ជើងខ្លាំង Conor McGregor ត្រឹមទឹក៤ កាលពីចុងសប្ដាហ៍កន្លងទៅក្នុងកម្មវិធី UFC 229។

នេះគឺជាការវិលត្រលប់មកវិញរបស់កីឡាករសាធារណរដ្ឋអៀរឡង់ ចាប់តាំងប្រកួតចុងក្រោយឈ្នះកីឡាករ Eddie Alvarez កាលពីឆ្នាំ២០១៦។ ការប្រកួតនេះ McGregor ត្រូវដើរតួជាអ្នកមកដណ្ដើមខ្សែក្រវាត់ពីអ្នកប្រយុទ្ធមិនដែលចាញ់ Khabib។

យ៉ាងណាមិញជើងខ្លាំង Khabib នៅតែបន្តកំណត់ត្រាមិនដែលចាញ់ ពោលបញ្ចប់ McGregor ត្រឹមទឹក៤ ដោយក្បាច់ក្លេរកធ្វើឲ្យគេឈ្នះ២៧ប្រកួតក្នុងអាជីព។ តែចប់ការប្រកួតក៏មានរឿងចម្រូងចម្រាសកើងឡើង ដោយកីឡាករនិងក្រុមការងារភាគីម្ខាងសងខាងបានប៉ះទង្គិចគ្នា។

ងាកទៅមើលតម្លៃខ្លួនវិញ ប្រកួតនេះ Khabib Nurmagomedov ទទួលបាន២លានដុល្លារ ឯ Conor McGregor បាន៣លានដុល្លារ។ បើប្រៀបធៀបកាលជួបគ្នាជាមួយ Floyd Mayweather ឆ្នាំ២០១៧គឺខុសគ្នាឆ្ងាយ កាលនោះ McGregor បានដល់១០០លានដុល្លារឯណោះ៕

ប្រភព៖ Independent ប្រែសម្រួល៖ ហេង សុធារិទ្ធិ