ទូរសព្ទ Samsung កាមេរ៉ាបួនគ្រាប់ ចង់ដឹងលក់តម្លៃប៉ុន្មានទេ?

2018-10-12 02:28:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung Galaxy A9 (2018) ដែលមានកាមេរ៉ាខាងក្រោយរហូតដល់ ៤ គ្រាប់នោះ បានបង្ហាញមុខជាផ្លូវការហើយ ដោយមានបង្ហាញច្បាស់ៗពីលក្ខណៈសម្បត្តិ រួមទាំងតម្លៃលក់សម្រាប់ទីផ្សារមួយចំនួន។

Galaxy A9 ស៊េរីថ្មីមានតួខ្លួនផលិតពីសារធាតុអាលុយមីញ៉ូម ស្រោបដោយកញ្ចក់ និងប្រើប្រាស់អេក្រង់ AMOLED ដែលមានទំហំ ៦,៣ អ៊ីញ ដែលអាចបង្ហាញរូបភាពក្នុងកម្រិត ១០៨០ x ២២២០ ភីកសែល។

A9 ក៏មានបំពាក់ដោយបន្ទះឈីប Snapdragon 660 ដែលមានល្បឿនរត់ ២,២ GHz អមនឹង RAM ទំហំ ៦ GB ឬ ៨ GB។ អង្គផ្ទុកទិន្នន័យមានទំហំ ១២៨ GB និងមានរន្ធសម្រាប់បន្ថែមមេមូរីរហូតដល់ទំហំ ៥១២ GB ហើយថ្មមានទំហំ ៣៨០០ mAh។

លក្ខណៈសម្បត្តិនៃកាមេរ៉ា ៤ គ្រាប់របស់ Galaxy A9 មានដូចខាងក្រោម ៖

កាមេរ៉ាមេ ៖ កម្រិត ២៤ MP ជាមួយ Aperture F/1.7 មានតួនាទីផលិតរូបភាពទូទៅ និងមានបច្ចេកវិទ្យា Clear & Bright អាចផ្ដិតរូបភាពបានច្បាស់ និងភ្លឺស្អាត
កាមេរ៉ា Telephoto ៖ មានកម្រិត ១០ MP ជាមួយ Aperture F/2.4 អាចថតរូប Zoom ពីរតង់ដោយមិនឲ្យបាត់បង់គុណភាពដើម
កាមេរ៉ា Ultra Wide ៖ មានកម្រិត ៨ MP ដែលអាចផ្ដិតរូបភាពទូលាយក្នុងទំហំដល់ ១២០ ដឺក្រេ
កាមេរ៉ាវាស់ជម្រៅ ៖ ចុងក្រោយគេនេះជាកាមេរ៉ាវាស់ជម្រៅកម្រិត ៥ MP ដែលមាន Aperture F/2.2។ កាមេរ៉ានេះមានតួនាទីធ្វើជាជំនួយការក្នុងការវាស់ជម្រៅរូបភាព ដើម្បីផលិតរូបភាព Bokeh បានល្អ។

Samsung Galaxy A9 (2018) នឹងត្រូវបញ្ចេញលក់ក្នុងខែវិច្ឆិកាខាងមុខ ប៉ុន្តែនឹងមានលក់លើទីផ្សារមួយចំនួនប៉ុណ្ណោះ។ តម្លៃរបស់វាមានចាប់ពី ៥៩៩ អឺរ៉ូ (ប្រមាណ ៦៩៤ ដុល្លារ) លើទីផ្សារអឺរ៉ុប និងចាប់ពី ៥៤៩ ផោន (ប្រមាណ ៧២៦ ដុល្លារ) នៅលើទីផ្សារចក្រភពអង់គ្លេស៕

ចុចអាន៖

ប្រភព៖ PhoneArena ប្រែសម្រួល៖ សុខហេង