Klopp ទម្លាយរឿងដែលលោកខ្លាចបំផុតក្នុងអាជីពបាល់ទាត់
- 2018-10-12 08:08:38
- ចំនួនមតិ 0 | ចំនួនចែករំលែក 0
Klopp ទម្លាយរឿងដែលលោកខ្លាចបំផុតក្នុងអាជីពបាល់ទាត់
ចន្លោះមិនឃើញ
Jürgen Klopp បានបង្ហើបថារឿងភ័យខ្លាចបំផុតសម្រាប់លោក គឺអ្នកគាំទ្របាល់ទាត់នឹងចងចាំរូបលោកត្រឹមជាអ្នកចាត់ការដែលដឹកនាំមានសាច់បាល់ល្អមើល តែមិនបានឈ្នះពានអ្វីសោះ។
បុរសសញ្ជាតិអាល្លឺម៉ង់បានជំនួស Brendan Rodgers នៅ Liverpool ក្នុងឆ្នាំ២០១៥ហើយនាំក្រុមឡើងដល់វគ្គផ្ដាច់ព្រ័ត្រ៣កម្មវិធីផ្សេងគ្នា រួមទាំង Champoins League ផងតែមិនដែលឈ្នះពានម្ដងណាសោះពោលគឺត្រឹមលេខ២ប៉ុណ្ណោះ។
លោកនិយាយថា៖ "ក្នុងកីឡាជាច្រើន ការបានលេខ២គឺទទួលមេដាយប្រាក់មកផ្ទះវិញ តែសម្រាប់បាល់ទាត់ លេខ២គឺមានន័យថាអ្នកមិនបានឈ្នះអ្វីទេ។ ខ្ញុំចង់ឈ្នះពាន ជាជាងបានមេដាយលេខ២ ហើយខ្ញុំដឹងពីបន្ទុកទាំងនេះ"។
"១០ ឬ២០ឆ្នាំក្រោយគ្មាននរណានិយាយថា អូហ៍ ពេលវេលាល្អបំផុតរបស់ Liverpool ក្រោមការដឹកនាំរបស់ Klopp គឺមិនបានឈ្នះអ្វីឡើយ។ វាគឺជារឿងគួរឲ្យអស់សំណើច បើសិនអ្នកមិនឈ្នះអ្វី ហើយហៅវាថាជាជោគជ័យនោះ"។ Klopp បន្ត។
គួររម្លឹកថា Klopp បានសន្យានាំពាន Premier League លើកដំបូងឲ្យ Liverpool ក្នុងរយៈពេល៤ឆ្នាំ ហើយ២០១៨នេះគឺជាឆ្នាំចុងក្រោយហើយសម្រាប់លោកដើម្បីបំពេញតាមការសន្យាខណៈ Liverpool បច្ចុប្បន្នកំពុងស្ថិតនៅកំពូលតារាងលីគស្មើពិន្ទុគ្នាជាមួយ Manchester City និង Chelsea៕