អូស្ត្រាលី រកឃើញវិធីការពារទឹក ពីការបំពុលដោយសម្រាមនិងប្លាស្ទិក សាមញ្ញតែប្រសិទ្ធភាពខ្ពស់
- 2018-11-25 02:32:15
- ចំនួនមតិ 0 | ចំនួនចែករំលែក 0
អូស្ត្រាលី រកឃើញវិធីការពារទឹក ពីការបំពុលដោយសម្រាមនិងប្លាស្ទិក សាមញ្ញតែប្រសិទ្ធភាពខ្ពស់
ចន្លោះមិនឃើញ
កាលពីពេលថ្មីៗកន្លងទៅនេះ អាជ្ញាធរនៅក្នុងទីក្រុង Kwinana នៃប្រទេសអូស្ត្រាលី បានដំឡើងប្រព័ន្ធតម្រងទឹកថ្មីមួយ នៅតំបន់សួនច្បារ Henley Reserve។ ប្រព័ន្ធនេះគឺសាមញ្ញបំផុត ប៉ុន្តែមានប្រសិទ្ធភាពខ្ពស់មិនគួរឲ្យជឿ។ វាគឺជាការប្រើសំណាញ់ចាំត្រងពីក្រោយបំពង់បង្ហូរទឹក ដែលជួយទប់កម្ទេចកម្ទី និងការពារបរិស្ថានបានយ៉ាងល្អ។
ប្រព័ន្ធត្រងសម្រាមតាមបំពង់បង្ហូរទឹកនោះ បានទប់ទល់សម្រាមជាច្រើនដែលហូរចេញពីតំបន់លំនៅដ្ឋាន និងតំបន់ធម្មជាតិ។ ជាមួយគ្នានេះដែរ សម្រាមមួយភាគធំទៀតតែងត្រូវនាំមកដោយភ្លៀងធ្លាក់ខ្លាំងចូលទៅប្រព័ន្ធបង្ហូរទឹកនោះ។
ដំបូងឡើយ ពួកគេបានចាប់ផ្តើមដំឡើងវាតែ ២ ប៉ុណ្ណោះ ហើយភ្ញាក់ផ្អើលយ៉ាងខ្លាំងចំពោះលទ្ធផល ដោយវាអាចឃាត់សម្រាមបានរហូតដល់ទៅជិត ៤០០ គីឡូក្រាមក្នុងរយៈពេលតែប៉ុន្មានសប្តាហ៍។ ដូច្នេះហើយទើបអាជ្ញាធរក្រុង Kwinana សម្រេចចិត្តដំឡើងវាទូទាំងទីក្រុង ដើម្បីកាត់បន្ថយសម្រាមហូរចូលទៅក្នុងទឹក។
គួរបញ្ជាក់ថា ការផលិត និងដំឡើងសំណាញ់មួយ ត្រូវចំណាយលុយប្រហែល ១០ ០០០ដុល្លារ ប៉ុន្តែវាពិតជាផ្តល់ផលចំណេញច្រើន និងប្រសិទ្ធភាពខ្ពស់មិនធម្មតា។ នៅពេលដែលសម្រាមពេញសំណាញ់ ពួកគេបានលើកវាឡើងដើម្បីចាក់ចោលក្នុងឡានប្រមូលសម្រាម៕
ចុចអាន៖