ថ្ងៃនេះ Grab ខួប ១ឆ្នាំ មានកាដូ ៥០% ពេញមួយថ្ងៃ

2018-12-19 07:11:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្ងៃនេះជាថ្ងៃខួបគម្រប់១ឆ្នាំ របស់ Grabសម្រាប់ការឈានជើងចូលមកកាន់ប្រទេសកម្ពុជា។ Grab ដែលជាកម្មវិធីផ្ដល់សេវាកម្មតាមប្រព័ន្ធអនឡាញ ទៅសេវាកម្មដោយផ្ទាល់ (O2O) ឈានមុខគេនៅអាស៊ីអាគ្នេយ៍ នៅថ្ងៃនេះកំពុងប្រារព្ធអបអរសាទរខួបមួយ ឆ្នាំរបស់ខ្លួននៅក្នុងប្រទេសកម្ពុជា ដោយមានការបញ្ចុះតម្លៃសម្រាប់អ្នកធ្វើដំណើរ និងការមិនយកកម្រៃជើងសារ សម្រាប់ដៃគូអ្នកបើកបរទាំងអស់នៅក្នុងថ្ងៃនេះ។

សម្រាប់ថ្ងៃទី ១៩ ធ្នូ Grab មានផ្ដល់ជូនការបញ្ចុះតម្លៃរហូតដល់ទៅ ៥០% ដោយកំណត់ច្រើនបំផុតគឺ ១០០០០រៀល ហើយទន្ទឹមនឹងនេះ Grab ក៏ផ្ដល់ជូនពិសេសសម្រាប់ដៃគូអ្នកបើកបររបស់ខ្លួនតាមរយៈការមិន គិតកម្រៃជើងសារអ្វីទាំងនៅក្នុងថ្ងៃនេះផងដែរ។

អ្នកស្រី ហេង សុធាវី នាយិកាទីផ្សាររបស់ក្រុមហ៊ុន Grab កម្ពុជាបានថ្លែងថា៖ “អរគុណចំពោះអ្នកប្រើប្រាស់ និងអ្នកដៃគូបើកបរ ដែលបានជួយឲ្យប្រតិបត្តិការនាឆ្នាំដំបូងរបស់ Grab នៅក្នុងប្រទេសកម្ពុជាទទួលបាន ជោគជ័យដូច្នេះ។ ចាប់តាំងពីយើងមានប្រតិបត្តិការនៅក្នុងប្រទេសកម្ពុជា យើងបានប្ដេជ្ញាក្នុងការធ្វើការជាមួយ នឹងរដ្ឋាភិបាល ដើម្បីផ្ដល់នូវសេវាដឹកជញ្ជូនតាមតម្រូវការដែលមានសុវត្ថិភាពខ្ពស់ ប្រសិទ្ធភាព និងគួរទុកចិត្ត បានជាងមុន សម្រាប់សាធារណជន ហើយទន្ទឹមនឹងនេះក៏បានបង្កើតឱកាសរកប្រាក់ចំណូលកាន់តែប្រសើរ សម្រាប់ដៃគូអ្នកបើកបរផងដែរ។

បានពង្រីកខ្លួនពីទីក្រុងភ្នំពេញ ទៅដល់ខេត្តសៀមរាប ដាក់ចេញ នូវសេវាកម្មចំនួនបួនដែលមានថ្លៃឈ្នួលកំណត់ជាក់លាក់ - ដូចជា JustGrab, GrabBike, GrabTukTuk និង GrabRemorque – ដើម្បីលុបបំបាត់ការជជែកគ្នារឿងថ្លៃឈ្នួល ក៏ដូចជាលើកកម្ពស់សុវត្ថិភាពចរាចរណ៍នៅម្ពុជា ផងដែរ។ យើងទន្ទឹងរង់ចាំមើលជោគជ័យនៅឆ្នាំបន្តទៀត ហើយធ្វើឲ្យការប្ដេជ្ញាចិត្តរបស់យើងកាន់តែស៊ីជម្រៅ ថែមទៀតសម្រាប់ការងារខាងលើនេះ”។

នៅខែមករា Grab បានចុះអនុស្សរណៈយោគយល់គ្នា (MoU) ជាមួយនឹងអង្គភាពប្រឆាំងអំពើពុករលួយ របស់រដ្ឋាភិបាល ដែលបង្ហាញឲ្យឃើញយ៉ាងច្បាស់ពីការប្ដេជ្ញាចិត្តរបស់ Grab ក្នុងការប្រកាន់ខ្ជាប់នូវក្រម សីលធម៌អាជីវកម្មតឹងរ៉ឹង ដើម្បីកសាងទំនុកចិត្តនៅក្នុងសហគមន៍ ដែលខ្លួនធ្វើប្រតិបត្តិការ និងដើម្បីគាំទ្រដល់ ការអភិវឌ្ឍន៍រយៈពេលវែងរបស់ប្រទេសកម្ពុជា។

នៅខែមេសា Grab បានពង្រីកសេវាកម្មកក់យានជំនិះនៅក្នុងខេត្តសៀមរាប ដែលមាន នៅប្រាសាទអង្គរវត្ត ល្បីល្បាញទូទាំងសកលលោក និងជាតំបន់ទេសចរណ៍ពេញនិយមបំផុតមួយនៅក្នុងទ្វីបអាស៊ី។

នៅក្នុងខែមិថុនា Grab និងអង្គការ UNDP បានចុះហត្ថលេខាលើភាពជាដៃគូរវាងវិស័យសាធារណៈ និងឯកជន ដើម្បីពង្រឹងការដឹកជញ្ជូនដែលមានសុវត្ថិភាព និងកាត់បន្ថយការបំពុលបរិយាកាសសម្រាប់មនុស្ស ទាំងអស់គ្នា។

នៅក្នុងខែដដែលនោះដែរ Grab ក៏បានចុះហត្ថលេខាលើ ចុះអនុស្សរណៈយោគយល់គ្នា ជាមួយនឹង Impact Hub ដើម្បីជំរុញការបង្កើត Ecosystem។ តាមរយៈកិច្ចសហការនេះ Grab កម្ពុជា បានចូលរួមនៅក្នុងកិច្ច សន្ទនានានាស្ដីពីការកសាង ទីក្រុងសម្រាប់អនាគត ហើយបានគាំទ្រយ៉ាងសកម្មដល់អាជីវកម្មនានា ដែលផ្ដោត លើបញ្ហាផ្សេងៗទាក់ទងនឹងចរាចរណ៍ក្នុងទីក្រុង តាមរយៈគម្រោងបណ្ដុះអាជីវកម្មផ្នែកចរាចរណ៍ក្នុងទីក្រុង (Urban Mobility Incubator)។

នៅក្នុងខែវិច្ឆិកា ក្រុមហ៊ុនបានដាក់ឲ្យដំណើរការនូវកម្មវិធី Grab for Business និង GrabRewards នៅក្នុងប្រទេសកម្ពុជា។ កម្មវិធី Grab for Business អនុញ្ញាតឲ្យក្រុមហ៊ុន និងស្ថាប័ននានា អាចសម្របសម្រួល និងទូទាត់លើជម្រើសនៃការធ្វើដំណើររបស់បុគ្គលិកកាន់តែងាយស្រួល និងមានប្រសិទ្ធភាព។

កាលពីដើមខែធ្នូ Grab បានប្រកាសពីភាពជាដៃគូបន្តទៀតជាមួយនឹងក្រសួងសាធារណការ និងដឹកជញ្ជូន ដើម្បីលើកកម្ពស់បទដ្ឋានសុវត្ថិភាពចរាចរណ៍ផ្លូវគោក សម្រាប់ឧស្សាហកម្មកក់យានជំនិះ និងព្យាយាមជួយដល់ កិច្ចខិតខំប្រឹងប្រែងជាបន្តបន្ទាប់របស់ក្រសួងសាធារណការក្នុងការលើកកម្ពស់ការបើកបរ និងការប្រើប្រាស់ដង ផ្លូវដោយសុវត្ថិភាពនៅទូទាំងប្រទេសកម្ពុជា។

ក្រៅពីភាពជាដៃគូ និងកិច្ចខិតខំប្រឹងប្រែងទាំងអស់នេះ Grab ក៏បានចំណាយពេលលើសកម្មភាពផ្សេងៗ ដែលមានបំណងផ្ដល់ផលប្រយោជន៍ឲ្យបានច្រើនដល់សង្គមកម្ពុជាផងដែរ។ ក្នុងនោះរួមមានយុទ្ធនាការបរិច្ចាគ ថវិកាដល់មន្ទីរពេទ្យគន្ធបុប្ផា គាំទ្រដល់ទិវាសម្អាតពិភពលោក និងកម្មវិធី Pink Walk ដើម្បីលើកកម្ពស់ការយល់ ដឹងអំពីជំងឺមហារីកសុដន់។

សម្រាប់ព័ត៌មានបន្ថែមអំពីសេវាកម្មរបស់ Grab នៅកម្ពុជា សូមចូលទៅកាន់ www.grab.com/kh ឬ www.facebook.com/GrabKH ៕

អត្ថបទ៖ ថា ម៉ាលីដា

ពាក្យទាក់ទង