ចាប់ខ្លួនស្ត្រីជនជាតិចិនម្នាក់ ក្រោយដើរជាន់សម្បុកអណ្ដើកពងនៅតំបន់ហាមឃាត់

2019-06-17 06:57:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្រ្តីជនជាតិចិនម្នាក់ ត្រូវបានប៉ូលិសចាប់ខ្លួននៅឆ្នេរ Miami រដ្ឋផ្លរីដាកាលពីថ្ងៃសៅរ៍កន្លងទៅក្រោយត្រូវចោទប្រកាន់ថាបានដើរជាន់សម្បុកអណ្ដើកពង។

ស្ត្រីដែលត្រូវចាប់ខ្លួនមានឈ្មោះ Yaqun Lu វ័យ ៤១ឆ្នាំ ត្រូវបានចោទប្រកាន់ពីបទយាយី ឬបំផ្លិចបំផ្លាញសម្បុកអណ្ដើកសមុទ្រ។ យោងតាមសាក្សី និងប៉ូលិសជាច្រើននាក់នៅលើឆ្នេរ Miami ឲ្យដឹងថាពួកគេឃើញអ្នកស្រី Lu ដើរជាន់សម្បុកអណ្ដើកដែលគេហាមឃាត់ដោយជើងទទេ។ ជាមួយគ្នាប៉ូលិសម្នាក់ឈ្មោះ Ernesto Rodriguez ឲ្យដឹងថា ពិតជាសំណាងល្អខ្លាំងណាស់ ដែលពងអណ្ដើកទាំងនោះ មិនត្រូវបានបែកនោះទេ។ ក្នុងសំណុំរឿងនេះ អ្នកស្រី Lu នឹងត្រូវគេកាត់ក្ដីនៅតុលាការនាថ្ងៃទី ១៥ខែកក្កដាខាងមុខ ហើយត្រូវជឿថាអាចនឹងផាកពិន័យជាប្រាក់ច្រើនសន្ធឹកសន្ធាប់ទៀតផង។

គួរឲ្យដឹងថា ជារៀងរាល់ឆ្នាំសត្វអណ្ដើកដ៏កម្រ ៣ប្រភេទតែងតែមកពងនៅលើឆ្នេរ Miami ចាប់ពីខែមេសារហូតដល់វិច្ឆិកា ដែលជាហេតុធ្វើឲ្យអាជ្ញាធរដាក់ខ្សែការពារជុំវិញសម្បុកកុំឲ្យមនុស្សដើរជាន់ដើម្បីការពារ និងអភិរក្សសត្វអណ្ដើកដែលកំពុងរងការគំរាមកំហែងជិតផុតពូជទាំងនេះ៕