ក្រុមហ៊ុន TADA បានទទួលប្រាក់វិនិយោគទុន ៥ លានដុល្លារ ដើម្បីពង្រីកសេវាកម្ម
- 2019-12-04 02:21:20
- ចំនួនមតិ 0 | ចំនួនចែករំលែក 0
ក្រុមហ៊ុន TADA បានទទួលប្រាក់វិនិយោគទុន ៥ លានដុល្លារ ដើម្បីពង្រីកសេវាកម្ម
ចន្លោះមិនឃើញ
ក្រុមហ៊ុនTADAដែលជាក្រុមហ៊ុនផ្ដល់សេវាកម្មកក់ការធ្វើដំណើរដែលមិនកាត់កម្រៃជើងសារដោយផ្អែកលើបច្ចេកវិទ្យា Blockchain ដំបូងបង្អស់នៅអាស៊ីអាគ្នេយ៍, បានប្រកាសនៅថ្ងៃនេះនូវការទទួលបានប្រាក់វិនិយោគទុន Series A ៥ លានដុល្លារអាមេរិកពីក្រុមហ៊ុនបណ្ដាក់ទុនឈានមុខគេរបស់ប្រទេសកូរ៉េខាងត្បូងមានឈ្មោះថា SV Investment។
ក្រុមហ៊ុនផលិតគ្រឿងបន្លាស់រថយន្តធំជាងគេ ២ របស់ ប្រទេសកូរ៉េខាងត្បូង គឺក្រុមហ៊ុន Central និង SIMWON Inc.ក៏បានចូលរួមក្នុងការវិនិយោគនេះផងដែរ។ ការផ្ដល់ហិរញ្ញប្បទាននេះនឹងត្រូវបានប្រើប្រាស់ដើម្បីបន្តពង្រីកនៅក្នុងទីផ្សារបច្ចុប្បន្ននិងការអភិវឌ្ឍលើប្រព័ន្ធអេកូចល័តដែលបានបង្កើតឡើងលើបច្ចេកវិទ្យា Blockchain របស់ MVL។
ការវិនិយោគនេះនឹងធ្វើឲ្យ MVL អាចមានលទ្ធភាពបង្កើនទុនក្នុងការពង្រីកទីផ្សាររបស់កម្មវិធី TADA ដែលជាផលិតផលរបស់ MVL។ក្រុមហ៊ុនសង្ឃឹមថាទាំងអ្នកបើកបរនិងអ្នកជិះអាចចូលរួមចំណែកក្នុងការធ្វើដំណើរនាថ្ងៃអនាគតប្រកបដោយនិរន្តរភាព។
លោក Kay Woo នាយកប្រតិបត្តិរបស់ MVL មានប្រសាសន៍ថា ៖ “ការវិនិយោគនេះគឺជាសក្ខីភាពនៃចក្ខុវិស័យរបស់យើងក្នុងការកសាងប្រព័ន្ធអេកូចល័តប្រកបដោយនិរន្តរភាពនិងភាពប្រសើរជាងមុន។ ក្រុមការងាររបស់យើងប្ដេជ្ញាចិត្តក្នុងការនាំមកនូវផលិតផលនិងសេវាកម្មដែលមានភាពច្នៃប្រឌិតរបស់បច្ចេកវិទ្យា Blockchain ដែលអាចផ្លាស់ប្ដូរជាវិជ្ជមានដល់សង្គម បរិស្ថាន និងសេដ្ឋកិច្ចនៅក្នុងសហគមន៍ដែលយើងធ្វើប្រតិបត្តិការ។ក្រុមហ៊ុនសង្ឃឹមថានឹងប្រកាសផលិតផលថ្មីនិងដំបូងគេបង្អស់ជាច្រើនទៀតនៅក្នុងតំបន់ប៉ុន្មានខែខាងមុខនេះ។”
បើតាមប្រសាសន៍របស់អ្នកនាំពាក្យរបស់ក្រុមហ៊ុន SV Investment ៖ “MVL អាចកំណត់នូវបញ្ហានានានៅក្នុងទីផ្សារប្រព័ន្ធអេកូចល័តដើម្បីទាក់ទាញអ្នកប្រើប្រាស់ជាច្រើន ខុសពីកម្មវិធីកក់ការធ្វើដំណើរផ្សេងៗដែលកំពុងដំណើរការនៅតំបន់អាស៊ីអាគ្នេយ៍។ ពួកគេអាចរកវិធីសាស្ត្រថ្មីដើម្បីកសាងទំនាក់ទំនងកាន់តែរឹងមាំរវាងអ្នកផ្គត់ផ្គង់និងអ្នកប្រើប្រាស់ក៏ដូចជា Hardware និង Software នៅអំទ្បុងពេលអភិវឌ្ឍន៍ប្រព័ន្ធអេកូចល័ត។”
TADA បានបង្ហាញវត្តមានដំបូងនៅប្រទេស សិង្ហបុរី កាលពីខែ មករា ឆ្នាំ ២០១៩ ហើយបន្តពង្រីកទីផ្សារទៅប្រទេសចំនួន ២ ទៀតគឺ ប្រទេសវៀតណាម និង ប្រទេសកម្ពុជា។ បើទោះជាការបង្ហាញវត្តមានក្នុងរយៈពេលខ្លីនៅក្នុងទីផ្សារមែន ប៉ុន្តែ TADA បានចុះឈ្មោះអ្នកបើកបរបាន ៥ ម៉ឺននាក់រួចទៅហើយនៅទូទាំង ៣ ប្រទេស។ TADA នឹងបន្តវិសាលភាពរបស់ខ្លួនយ៉ាងពេញទំហឹងនៅអាស៊ីក្នុងប៉ុន្មានខែខាងមុខនេះ៕