ម៉ាស៊ីនហ្គេម PS5 តម្លៃ ៤៩៩ ដុល្លារ ធ្លាយថាប្រកាសនៅថ្ងៃទី ៥ កុម្ភៈខែក្រោយ

2020-01-26 00:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីលេចចេញនូវព័ត៌មានមួយចំនួន លើឆាក CES កាលពីដើមខែមករា ឆ្នាំ ២០២០ នេះ ម៉ាស៊ីនហ្គេម PlayStation 5 របស់ Sony ក៏ត្រូវបានប្រភពមួយទម្លាយថានឹងដាក់បង្ហាញជាផ្លូវការនៅថ្ងៃទី ៥ កុម្ភៈ ឆ្នាំ ២០២០ ខាងមុខ។

ប្រភពបានឲ្យដឹងថានាព្រឹត្តិការណ៍ថ្ងៃទី ៥ កុម្ភៈនោះនឹងធ្វើឡើងនៅសាល Sony Hall ក្នុងទីក្រុង New York សហរដ្ឋអាមេរិក ពោលគឺដូចទៅនឹងព្រឹត្តិការណ៍ប្រកាស PlayStation 4 កាលពីប៉ុន្មានឆ្នាំមុនដែរ។

ប៉ុន្តែមិនទាន់មានការទម្លាយឲ្យច្បាស់នៅលក្ខណៈសម្បត្តិម៉ាស៊ីន ក៏ដូចជារូបរាងគួរឲ្យទុកចិត្តមួយនៅឡើយ គ្រាន់ដឹងថាវានឹងអាចគាំទ្រកម្រិតបង្ហាញដល់ 8K ជាមួយការអនុញ្ញាតឲ្យលេងជាមួយឌីសចាស់ៗ ពោលឌីសធ្លាប់លេងលើ PS4 អាចលេងលើម៉ាស៊ីនថ្មីបានដូចគ្នា។

ចំពោះតម្លៃនៅតែមានការជឿជាក់ថាដូចការរំពឹងទុកតាំងពីឆ្នាំទៅ ដោយថ្លៃប្រមាណ ៤៩៩ ដុល្លារអាមេរិក។ ជុំវិញព័ត៌មានលម្អិតយើងនឹងចុះផ្សាយម្តងទៀត ប្រសិនថ្ងៃទី ៥ កុម្ភៈ ជាកាលបរិច្ឆេទដាក់បង្ហាញផ្លូវការពិតមែននោះ៕

អានអត្ថបទ:

ប្រភព៖ Gizchina ប្រែសម្រួល៖ កៅ រក្សា