វែកមុខស្គាល់ក្រុមខ្លាំងចូល Hack ប្រព័ន្ធអង្គការសុខភាពពិភពលោក WHO ហើយ
- 2020-03-25 06:06:32
- ចំនួនមតិ 0 | ចំនួនចែករំលែក 0
វែកមុខស្គាល់ក្រុមខ្លាំងចូល Hack ប្រព័ន្ធអង្គការសុខភាពពិភពលោក WHO ហើយ
ចន្លោះមិនឃើញ
ចាប់តាំងពីដើមខែមិនាមកទល់ពេលបច្ចុប្បន្នប្រព័ន្ធ (System) របស់អង្គការសុខភាពពិភពលោក WHO ត្រូវបានរងការវាយប្រហារជាបន្តបន្ទាប់ ពោលគឺមានការកើនឡើងគួរឲ្យកត់សម្គាល់ក្នុងស្ថានភាពកំពុងផ្ទុះវីរុស COVID-19។ នេះបើតាមសារព័ត៌មាន Reuters បានចុះផ្សាយ។
អ្នកជំនាញមកពី Blackstone Law Group លោក Alexander Urbelis គឺជាមនុស្សដំបូងដែលបានរាយការណ៍ទៅកាន់ Reuters ជុំវិញការវាយប្រហារចូលប្រព័ន្ធរបស់ WHO ដោយកើតឡើងកាលពីថ្ងៃទី ១៣ មិនាកន្លងទៅ ហើយត្រូវបានលោកចោទប្រកាន់ថាជាក្រុម "DarkHotel"។
ក្រុមខ្លាំងមួយនេះ ជាក្រុមដែលបានចាប់ផ្តើមប្រលូកក្នុងអំពើចារកម្មលើប្រព័ន្ធអ៊ីនធឺណិតចាប់តាំងពីឆ្នាំ ២០០៧ ហើយជាក្រុមស្ថិតនៅលំដាប់កំពូលមួយ ដែលការវាយប្រហារម្តងនេះពួកគេបានអុកឡុកបង្កើតនូវគេហទំព័របន្លំភ្នែកបុគ្គលិករបស់ WHO ដើម្បីឲ្យបុគ្គលិកទាំងនោះ Log In ហើយលួចទាញយកព័ត៌មានឬកូដសម្ងាត់។
តាមសេចក្តីរាយការណ៍ពីក្រុមហ៊ុនប្រព័ន្ធសុវត្ថិភាព Bitdefender និង Kaspersky ក៏សង្កត់ធ្ងន់ថាមួយរយៈចុងក្រោយ DarkHotel បានចេញសកម្មភាពជាច្រើននៅប៉ែកអាស៊ីខាងកើតផងដែរ ដែលជាប់ពាក់ព័ន្ធនឹងស្ថានភាពវីរុសកូរ៉ូណាទាំងអស់ ហើយពួកគេបានដាក់គោលដៅលើអាជីវកម្មធំៗនៅប្រទេសចិន កូរ៉េខាងជើង និងជប៉ុន៕
អានអត្ថបទ:
ទិដ្ឋភាពកម្រ! ឡាន Bugatti ជួបជុំគ្នា សរុបតម្លៃជាង ៣៥លានដុល្លារ
អេស្ប៉ាញគ្រោងប្រើរ៉ូបូត តេស្តរកកូវីដ១៩ឲ្យបាន ៨ម៉ឺនលើកក្នុងមួយថ្ងៃ