Yoochun រងបណ្ដឹងទាមទារសំណងរាប់លានដុល្លារ ដោយសារឆ្កែខាំគេ

2018-01-19 01:47:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗមានព័ត៌មានមួយផ្ទុះឡើងទាក់ទងនឹង Yoochun សមាជិកក្រុម JYJ ត្រូវមនុស្សម្នាក់ប្ដឹងទាមទារសំណង ដោយសារសុនខរបស់លោកខាំគេកាលពី ៧ឆ្នាំមុន។

ផ្អែកតាមប៉ុស្តិ៍ប៉ូលិស Gangnam បានឲ្យដឹងថា បុគ្គលម្នាក់ដែលស្គាល់គ្នាជាមួយ Yoochun បានដាក់ពាក្យប្ដឹងទាមទារសំណងពីតារាប្រុសរូបនេះ ដោយសារឆ្កែរបស់ Yoochun ខាំខ្លួនឲ្យរងរបួស កាលពីឆ្នាំ ២០១១។

ទាក់ទងនឹងបញ្ហានេះ ផលិតកម្ម C-Jes បាននិយាយដែរថា៖ "រម្លឹកកាលពីឆ្នាំ ២០១១ ដើមបណ្ដឹងដែលជាមិត្តភ័ក្ដិរបស់អតីតអ្នកគ្រប់គ្រងរបស់ Youchun បានទៅលេងផ្ទះរបស់ Yoochun។ ពេលនោះបុគ្គលម្នាក់នោះបានទៅយ៉រ ដើម្បីទៅលេងឆ្កែរបស់តារាចម្រៀងរូបនេះ ហើយឆ្កែក៏ខាំតែម្ដង។ ភ្លាមៗទាំង Yoochun អតីតអ្នកគ្រប់គ្រង និងអ្នករងរបួសក៏បានទៅមន្ទីរពេទ្យ ហើយម្ចាស់សុនខបង្កហេតុក៏បានសុំទោសចំពោះហេតុការណ៍នេះ ព្រមទាំងបង់ថ្លៃព្យាបាលឲ្យទាំងអស់ទៀត។ សប្ដាហ៍មុន ដើមបណ្ដឹង ក៏បានប្ដឹងទារសំណងពី Yoochun ក្នុងទឹកប្រាក់ ១,២ពាន់លានវ៉ុន (ប្រហែល ១,១លានដុល្លារ)។ មួយវិញទៀត ចាប់ពីពេលនោះមក បុគ្គលម្នាក់នោះក៏មិនបានទាក់ទង Yoochun ដែរ និងរកដំណោះស្រាយពីរឿងនេះដែរ។ រហូតថ្មីៗនេះ ទើបខ្លួនចង់បានដំណោះស្រាយសមរម្យមួយជាមួយគ្រួសាររបស់ Yoochun។ ករណីនេះដែរ នឹងត្រូវលើកយកមកពិនិត្យជាថ្មី ដើម្បីស្វែងរកយុត្តិធម៌ពិតប្រាកដ ហើយប៉ូលិសនឹងធ្វើការលើរឿងនេះ"។

តាមសេចក្ដីរាយការណ៍នោះដដែលបញ្ជាក់ថា ដើមបណ្ដឹងម្នាក់នោះ បានទទួលការព្យាបាលរបួសលើមុខ បណ្ដាលមកពីឆ្កែខាំអស់រយៈពេល ៧ឆ្នាំហើយ ហើយក៏រត់មកដាក់ពាក្យបណ្ដឹង បំណងចង់សើរើជាថ្មីពីហេតុការណ៍នេះ បើទោះវាកន្លងទោអស់រយៈពេលជាយូរក៏ដោយ៕

ប្រភព៖ Allkpop ប្រែសម្រួល៖ យី សុធារី